ايماقتار • 29 قاڭتار، 2020

قىزىلوردا: زيرات قورشاۋىن ۇرلاعاندار ۇستالدى

151 رەتكورسەتىلدى

بيىل 9 قاڭتاردا قىزىلوردا قالاسىنىڭ ىرگەسىندەگى ج.ماحامبەتوۆ اۋىلىنىڭ تۇرعىندارى پوليتسيا بولىمىنە بەلگىسىز بىرەۋلەردىڭ زيراتتىڭ تەمىر قورشاۋلارى مەن قاقپاسىن ۇرلاپ كەتكەندىگى تۋرالى ارىزدانعان بولاتىن.

قىزىلوردا قالالىق پوليتسيا باسقارماسى قىزمەتكەرلەرى جەدەل ارەكەت ەتىپ، وسى ۇرلىققا قاتىسى بار دەگەن 2 كۇدىكتىنى ۇستادى. تەكسەرە كەلگەندە ولاردىڭ ۇرلانعان زاتتاردى مەتالل قابىلداۋ پۋنكتىنە وتكىزگەنى بەلگىلى بولدى. كۇدىككە ىلىنگەن ەكەۋدىڭ قالادا جاسالعان تاعى وسىنداي 2 قىلمىسقا قاتىسى بار ەكەندىگى دە انىقتالدى.           

وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا، قازىر كۇدىكتىلەر ۋاقىتشا ۇستاۋ اباقتىسىنا قاماۋعا الىنىپ، قازاقستان رەسپۋبليكاسىنىڭ قىلمىستىق كودەكسىنىڭ 188-بابى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.

سوڭعى جاڭالىقتار

ۇقساس جاڭالىقتار