29 قاڭتار، 2020

جامبىل وبلىسىندا التىن وندىرەتىن زاۋىت سالىنادى

199 رەتكورسەتىلدى

نەمىس ينۆەستورلارى جامبىل وبلىسىنان التىن وندىرەتىن زاۋىت سالۋعا نيەتتى. بۇل ماسەلە جونىندە جامبىل وبلىسىنىڭ اكىمى اسقار مىرزاحمەتوۆ «Aurum Deutschland» كومپانياسىنىڭ وكىلدەرىمەن كەزدەسىپ، اڭگىمەلەستى. كەزدەسۋ بارىسىندا قوس تاراپ زاۋىت جوباسىن جان-جاقتى تالقىلادى.

قازاقستان نارىعىندا بىرنەشە جىلدان بەرى جۇمىس ىستەپ كەلە جاتقان بۇل كومپانيامەن كەلىسسوزدەر ءبىراز ۋاقىتتان بەرى جۇرگىزىلۋدە. جوباعا سالىناتىن ينۆەستيتسيا كولەمى 329 ميلليون ەۆرونى قۇرايدى. زاۋىتتىڭ ىسكە اسۋ ۋاقىتى 9 جىل. اتالعان جوبانىڭ اعىمداعى جىلى تاۋ-كەن كومبيناتىنىڭ جوبالاۋ جۇمىستارى جۇزەگە اسىرىلسا، كەلەسى جىلى زاۋىتتىڭ قۇرىلىسى باستالادى.

زاۋىتتا جىلىنا 5 توننا التىن وندىرىلەدى دەپ جوسپارلانۋدا. جامبىل وبلىسى اكىمدىگىنىڭ حابارلاۋىنشا، جەرگىلىكتى بيلىك زاۋىت سالۋ ءۇشىن ازىرگە 300 گەكتار جەر ءبولىپ وتىر. قۇرىلىس جۇمىستارىنا 350 ادام تارتىلادى دەپ كۇتىلۋدە. ال كاسىپورىن تولىعىمەن ىسكە قوسىلعاندا 800 ادام تۇراقتى جۇمىسپەن قامتىلاتىن بولادى.

جيىن بارىسىندا اسقار مىرزاحمەتوۆ ينۆەستورلارعا ۋاقىتتى سوزباي، سوزدەن ىسكە كوشۋدى ۇسىندى. اكىم كومپانيا كەدەرگىسىز جۇمىس ىستەۋى ءۇشىن جەرگىلىكتى بيلىك تاراپىنان بارلىق جاعداي جاسالاتانىن اتاپ ءوتتى. ايتا كەتەيىك، اۋقىمدى جوبا قورداي اۋدانىندا جۇزەگە اسىرىلادى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار