پارلامەنت • 29 قاڭتار، 2020

اسقار شاكىروۆ ازامات شامبيلوۆپەن كەزدەستى

31 رەتكورسەتىلدى

پارلامەنت سەناتى توراعاسىنىڭ ورىنباسارى اسقار شاكىروۆ «Penal Reform International» (PRI) ۇيىمى ورتالىق ازياداعى وكىلدىگىنىڭ ايماقتىق ديرەكتورى ازامات شامبيلوۆپەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

كەزدەسۋ بارىسىندا قازاقستاننىڭ وسى حالىقارالىق ۇيىممەن ىنتىماقتاستىعىنىڭ تيىمدىلىگى اتاپ ءوتىلدى.

سەنات توراعاسىنىڭ ورىنباسارى «Penal Reform International» قازاقستانداعى قىلمىستىق-اتقارۋ جۇيەسىن رەفورمالاۋعا، پەنيتەنتسيارلىق ورگاندار قىزمەتكەرلەرىن كاسىبي دايارلاۋ مەن پروباتسيا قىزمەتىن دامىتۋعا، سوتتالعانداردى الەۋمەتكە قايتا تارتۋ مەن جازانى ورىنداۋداعى ۇزدىك تاجىريبەلەرمەن تانىسۋعا بەلسەندى قاتىسىپ كەلە جاتقانىن اتاپ ءوتتى.

PRI وكىلدىگى سونداي-اق قازاقستاندا الدىن الۋ جونىندەگى ۇلتتىق تەتىكتەردى قۇرۋ مەن قالىپتاستىرۋدا، ونىڭ زاڭنامالىق بەكىتىلۋى مەن جۇزەگە اسىرۋدا باستى قاتىسۋشىلاردىڭ ءبىرى بولىپ تابىلاتىنى اتاپ ءوتىلدى. قازىرگى ۋاقىتتا قازاقستانداعى الدىن الۋ جونىندەگى ۇلتتىق تەتىكتەر مەملەكەتتىك ورگانداردىڭ ازاماتتىق قوعاممەن ءوزارا ءىس-قيمىلىنىڭ ۇلگىسى ءارى جابىق مەكەمەلەردى قوعامدىق باقىلاۋدىڭ پارمەندى ادىستەرىنىڭ ءبىرى بولىپ تابىلادى.

ا.شامبيلوۆ قازاقستانداعى قىلمىستىق سوت ءىسىن جۇرگىزۋ مەن قۇقىق قورعاۋ قىزمەتىن جەتىلدىرۋگە باعىتتالعان رەفورمالاردى جوعارى باعالادى. ونىڭ پىكىرىنشە، ەلىمىزدە كەيىنگى كەزدە قابىلدانعان زاڭدار وسى رەفورمالاردى ىسكە اسىرۋ ءۇشىن قۇقىقتىق بازانى قۇراپ وتىر.

تاراپتار كەزدەسۋ سوڭىندا ناتيجەلى ىنتىماقتاستىقتى، ونىڭ ىشىندە زاڭ شىعارۋ سالاسىنداعى بايلانىستاردى ورىستەتۋ قاجەتتىگىن ايتتى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار