ايماقتار • 29 قاڭتار، 2020

الماتىدا ءال-ءفارابيدىڭ 1150 جىلدىعى رەسمي تۇردە باستاۋ الادى

153 رەتكورسەتىلدى

بۇگىن الماتىدا «الەمنىڭ ەكىنشى ۇستازى» اتانعان ءابۋ ناسىر ءال-فارابي بابامىزدىڭ 1150 جىلدىعى سالتاناتتى تۇردە ستارت الادى. وتكەن جىلى-اق زامانالاردىڭ  عۇلاما عالىمىنىڭ مەرەيتويىنا ارنالعان ۇلكەن دايىندىقتى ونىڭ كىندىك قانى تامعان قازاق ەلى باستاپ كەتكەن-ءدى.

وسى تۇرعىدان كەلگەندە، دۇنيەجۇزىندە ءال-ءفارابيدىڭ اتىن يەلەنىپ وتىرعان جالعىز ۋنيۆەرسيتەت – ءال-فارابي اتىنداعى قازاق ۇلتتىق ۋنيۆەرسيتەتىنە دە ارتىلاتىن جۇك از ەمەس.

بىلتىر ۋنيۆەرسيتەتتىڭ تىكەلەي مۇرىندىق بولۋىمەن 2-12 ءساۋىر ارالىعىندا 10 كۇنگە سوزىلعان  VI حالىقارالىق فارابي وقۋلارى ءوتتى. شەتەلدىك شىعىستانۋشى عالىمدار فارابي فورۋمىن وتە جوعارى باعالادى. فورۋم بارلىق دەڭگەيدە ءتىل ۇيرەتەتىن شەتەلدىك مامانداردى جينادى.

وسى اۋقىمدى وقيعاعا ازىرلىك بارىسىندا قىركۇيەك ايىندا قازاقستاندىق ارنايى دەلەگاتسيا سيريانىڭ داماسك قالاسىنا ىسساپارمەن باردى.

اتالمىش ءىسساپار قازاقستان رەسپۋبليكاسىنىڭ ليۆانداعى ەلشىلىگىنىڭ جانە سيريا رەسپۋبليكاسىنىڭ قازاقستانداعى قۇرمەتتى ەلشىسىنىڭ قولداۋىمەن جۇزەگە استى. وسىلايشا بۇل ساپار ۇلى بابامىزدى زيارات ەتىپ، جاتقان جەرىنە قازاقستان تاراپىنىڭ قارجىلاندىرۋىمەن سالىنعان ء«ال-فارابي مادەني تاريحى ورتالىعى جانە كەسەنەسى»  قۇرىلىسىنىڭ جاي-كۇيىمەن جاقىننان تانىسىپ، 2020 جىلى ۇلى ويشىلدىڭ 1150 جىلدىعىن وتكىزۋگە دايىندىق شارالارىن جالعاستىردى.

ءال-ءفارابيدىڭ مەرەيتويى كىندىك قانى تامعان وتىراردى دا اينالىپ وتكەن جوق. وسىناۋ تاعىلىمدىق ءمان-ماڭىزى زور ۇلاعاتتى ىسكە وزىندىك ۇلەستەرىن قوسۋدى نيەت ەتكەن وتىرارلىق ونەرپازدار ماقتانىش تۇتار جەرلەستەرىنىڭ  حالىقارالىق اۋقىمداعى مەرەيتويى قۇرمەتىنە وراي، دراماتۋرگ شاحمەت قۇسايىنوۆتىڭ ء«ال-فارابي» سپەكتاكلىن ۇسىندى. بىلىكتى رەجيسسەر عازيز ارىنوۆتىڭ ساحنالاۋىمەن ءساتتى شىققان بۇل تۋىندىنى قىزىعى تاماشالاعان كورەرمەندەردىڭ قاراسى كوپ بولدى.

ال بۇگىن الماتىدا ءال-فارابي اتىنداعى قازاق ۇلتتىق ۋنيۆەرسيتەتىندە ءال-ءفارابيدىڭ 1150 جىلدىق مەرەيتويى رەسمي ءارى سالتاناتتى تۇردە باستاۋ الادى. يۋنەسكو قامقورشىلىعىمەن حالىقارالىق اۋىقىمدا كەڭىنەن اتالىپ وتەتىن ءال-ءفارابيدىڭ مەرەيتويلىق جىلى الەمنىڭ 40-تان اسا ەلىنەن قوناقتاردىڭ باسىن قوسادى.

سالتاناتتى شاراعا مەملەكەتتىك حاتشى قىرىمبەك كوشەرباەۆ، ءبىلىم جانە عىلىم ءمينيسترى اسحات ايماعامبەتوۆ، مادەنيەت جانە سپورت ءمينيسترى اقتوتى رايىمقۇلوۆا، الماتى اكىمى باقىتجان ساعىنتاەۆ، مەملەكەت جانە قوعام قايراتكەرلەرى، بۇۇ جانە يۋنەسكو، يىۇ، تۇركسوي، سونىمەن قاتار باسقا دا حالىقارالىق ۇيىمداردىڭ، قازاقستانداعى ديپلوماتيالىق ميسسيالاردىڭ وكىلدەرى، جوو رەكتورلارى، عىلىمي ورتالىقتار مەن عزي جەتەكشىلەرى، تانىمال شەتەلدىك جانە وتاندىق عالىمدار-فارابيتانۋشىلار قاتىسادى.

تۇستەن كەيىن مارتەبەلى قوناقتار ءال-فارابي ەسكەرتكىشىنە گۇل شوقتارىن قويادى، سودان كەيىن ستۋدەنتتەر سارايىندا ءال-ءفارابيدىڭ 1150 جىلدىق مەرەيتويى سالتاناتتى تۇردە اشىلىپ، سوڭى مەرەكەلىك كونتسەرتكە ۇلاسادى.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار