قوعام • 29 قاڭتار، 2020

ەلوردادا ااك تاعايىنداۋعا 2 مىڭنان استام ءوتىنىش قابىلداندى

20 رەتكورسەتىلدى

وسى جىلدىڭ باسىنان بەرى ااك تاعايىنداۋعا 2 185 ءوتىنىش قابىلداندى، 7 076 وتباسى كەڭەس الۋعا جۇگىندى. بولجامدىق مالىمەتتەرگە سايكەس، 4 مىڭنان استام وتباسىنى ااك-پەن قامتۋ جوسپارلانعان. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


بيىل قاڭتار ايىنان باستاپ اتاۋلى الەۋمەتتىك كومەك جاڭا فورماتتا تاعايىندالا باستادى. ونىڭ مولشەرى جانۇيانىڭ بارلىق مۇشەلەرى ءۇشىن جان باسىنا شاققانداعى كىرىستەر مەن كەدەيلىك شەگىنىڭ اراسىنداعى ايىرماشىلىق رەتىندە انىقتالادى.

اتاۋلى الەۋمەتتىك كومەك از قامتىلعان وتباسىلاردىڭ ماتەريالدىق جاعدايىن جاقسارتۋعا قيىن جاعدايداعى ازاماتتاردى مەملەكەتتىك قولداۋ جانە ومىرلىك قيىن جاعدايدان شىعۋعا ولاردىڭ رەسۋرستارىن ىنتالاندىرۋعا باعىتتالعان.

وتباسىنىڭ جالپى كىرىسىن ەسەپتەۋ كەزىندە ەلدە جانە ودان تىس جەرلەردە الىنعان بارلىق كىرىستەر ەسەپتەلەدى. باعدارلاما بويىنشا ەرىكتى قونىس اۋدارۋشىلارعا كوشۋ ءۇشىن بىرجولعى تولەمدى قوسپاعاندا، جۇمىسقا ورنالاسۋعا جاردەمدەسۋدىڭ بەلسەندى شارالارىنا قاتىسۋدان الىنعان كىرىستەر، تۇرعىن ءۇي زاڭناماسىندا بەلگىلەنگەن تارتىپپەن نەسيە بويىنشا الدىن الا تولەمنىڭ ءبىر بولىگىن جابۋعا ارنالعان تۇرعىن ءۇي سەرتيفيكاتتارىنىڭ سوماسى دا كىرىس رەتىندە سانالادى.

ااك-كە ەڭبەككە جارامدى وتباسى مۇشەلەرىن تاعايىنداۋدىڭ مىندەتتى شارتى – ولاردىڭ جۇمىسپەن قامتىلۋى. ەگەر ەڭبەككە قابىلەتتى وتباسى مۇشەسى ۇسىنىلعان جۇمىسقا جانە جۇمىسقا ورنالاسۋعا ىقپال ەتۋ شارالارىنان باس تارتسا، وندا ااك تولەۋ تەك وعان عانا ەمەس، بۇكىل وتباسىنا توقتاتىلادى.

ۇمىتكەرلەرگە جۇمىسپەن قامتۋعا جاردەمدەسۋ تۇرىندە جۇمىسسىزدىقتان قوعامدىق جۇمىستاردى ۇيىمداستىرۋ، كاسىپتىك وقىتۋ، بىلىكتىلىكتى ارتتىرۋ جانە قايتا دايارلاۋ، مەملەكەتتىك گرانتتار بەرۋ، وقۋ ورىندارىنىڭ تۇلەكتەرىنە ارنالعان جاستار پراكتيكاسىن ۇيىمداستىرۋ، ماقساتتى توپتاعى ادامدار ءۇشىن الەۋمەتتىك جۇمىس ورىندارىن قۇرۋ، كەڭەس بەرۋ سەكىلدى قىزمەتتەر كورسەتىلەدى.

«ەلەكتروندىق ەڭبەك بيرجاسى» دەرەكتەر بازاسىندا (www.enbek.kz) 6 003 جۇمىس بەرۋشىدەن 6 543 بوس جۇمىس ورنى بار. ونىڭ ىشىندە جالاقىسى 100 000 تەڭگەگە دەيىن - 3 446 بوس جۇمىس ورنى، جالاقىسى 100 000-1 000 000 تەنگە 1 574 بوس جۇمىس ورنى جانە جالاقىسى 150 000 تەڭگەدەن اساتىن 1 523 بوس جۇمىس ورنى جاريالانعان. سونداي-اق از قامتىلعان ازاماتتار قاتارىنان ادامداردى جۇمىسقا ورنالاستىرۋدىڭ يكەمدى كەستەسى بار بوس جۇمىس ورىندارى بەرىلگەن.

سونداي-اق ااك الاتىن از قامتىلعان وتباسىلاردىڭ بالالارى ءۇشىن كەپىلدەندىرىلگەن الەۋمەتتىك پاكەت بەرىلەتىن بولادى. 6 جاستان 18 جاسقا دەيىنگى بالالار ءۇشىن الەۋمەتتىك پاكەتكە مەكتەپتەگى كۇندەلىكتى ىستىق تاماق، مەكتەپ فورماسى مەن وقۋ قۇرالدارى كىرەدى، قوعامدىق كولىكتەردە جول ءجۇرۋ اقىسى جەڭىلدىكپەن قامتاماسىز ەتىلەدى.

اتاۋلى الەۋمەتتىك كومەك كورسەتۋدىڭ جاڭا تاسىلدەرىمەن قاتار، وسى جىلدىڭ 1 قاڭتارىنان باستاپ قازاقستاندا بارلىق كوپ بالالى وتباسىلارعا، ولاردىڭ تابىستارىنا قاراماستان، مەملەكەتتىك بالالار جاردەماقىسى ەنگىزىلدى. ونىڭ مولشەرى بالالار سانىنا قاراي بەلگىلەنەدى (4 بالا - 42 496 تەڭگە، 5 بالا - 53127 تەڭگە، 6 بالالارعا – 6 3757 تگ، 7 جانە ودان جوعارى - 74 388 تگ). «التىن القا» جانە «كۇمىس القا» القالارىمەن ماراپاتتالعان كوپ بالالى انالار ءۇشىن اي سايىن 16 973 تەڭگە مولشەرىندە جاردەماقى تولەنەدى.

ايتا كەتسەك، ااك تاعايىنداۋ تۋرالى ءوتىنىش ايدىڭ باسىنا نەمەسە اياعىنا قاراماستان كەز كەلگەن ۋاقىتتا قابىلدانادى.


سوڭعى جاڭالىقتار

ۇقساس جاڭالىقتار