كەزدەسۋدە مال شارۋاشىلىعىمەن اينالىساتىن ازاماتتار مەملەكەت تاراپىنان بەرىلەتىن سۋبسيديانىڭ كاسىپتى دامىتۋعا ايتارلىقتاي كومەك ەكەندىگىن, بىراق, سوڭعى ۋاقىتتا بەيرەسمي دەرەك كوزدەرىنەن قالىپتاسقان بۇل جۇيەگە وزگەرىس ەنگىزىلەتىندىگى جونىندە ەستىپ, الاڭداپ وتىرعاندىقتارىن جەتكىزدى.
بۇل ماسەلەگە قاتىستى كاسىپكەرلەر پالاتاسى ديرەكتورىنىڭ ورىنباسارى پىرمۇحاممەت سىزدىقوۆ رەسمي نورماتيۆتىك-قۇجاتتارعا ازىرگە وزگەرىس ەنگىزىلمەگەندىگىن, بۇل ءوتىنىش ورتالىق اپپاراتقا جولداناتىندىعىن ايتتى.
مۇنان وزگە, كەزدەسۋدە مەملەكەت تاراپىنان كاسىپكەرلىك ماقساتتا بەرىلىپ جاتقان قايتارىمسىز قارجىعا, ءتۇرلى گرانتتارعا, سالىق زاڭنامالارىنا ەنگىزىلگەن وزگەرىستەرگە, كاسىپكەرلىكپەن اينالىسۋعا ارنالعان وقۋ كۋرستارىنا قاتىستى ساۋالدار قويىلىپ, تۇششىمدى جاۋاپتار بەرىلدى.
جاڭاقورعان اۋدانىندا قازىر 4168 كاسىپكەرلىك سۋبەكتىسى تۇراقتى جۇمىس جاساۋدا. بىلتىر پالاتا ماماندارى 458 ازاماتقا كەڭەس بەرىپ, 607 سەرۆيستىك قىزمەت كورسەتكەن. يننوۆاتسيالىق گرانتقا قۇجات تاپسىرعان 30 ادامدى وقىتىپ, قۇجاتتارىن ازىرلەپ بەرگەن. ناتيجەسىندە 8 جاڭاقورعاندىق گرانتقا قول جەتكىزىپتى. «باستاۋ» جوباسى بويىنشا 480 ادام, «جاس كاسىپكەر» جوباسىمەن 115 جاستى وقىعان. بۇگىندە سول جاستاردىڭ 98-ءى كاسىبىن باستاپ كەتتى. جالپى اۋداندا وتكەن جىلى «ەڭبەك» باعدارلاماسى اياسىندا 653 ازامات كاسىپكەرلىك ماقساتتاعى مەملەكەتتىك قايتارىمسىز قارجىعا قول جەتكىزگەن.
