فوتو: ۆۆس
اقش-تىڭ گەولوگيالىق قىزمەتىنىڭ مالىمەتىنە سايكەس, جەر سىلكىنىسى كۋبا مەن يامايكانىڭ اراسىندا جەر بەتىنەن 10 كيلومەتر تەرەڭدىكتە بولعان.
تىنىق مۇحيتىنىڭ تسۋنامي ەسكەرتۋ ورتالىعى وقيعادان كەيىن تەك 2 ساعاتتان سوڭ تسۋنامي قاۋپى سەيىلگەنىن ايتقان.
ساراپشىنىڭ ايتۋىنشا, مۇنداي اسا ءىرى جەر سىلكىنىسى كاريب ايماعى ءۇشىن وتە سيرەك جاعداي. سوڭعى ءجۇز جىل ىشىندە بۇگىنگى ەپيتسەنتردەن 400 شاقىرىم راديۋستا 6 جانە ودان دا جوعارى ماگنيتۋداسى بار بەس جەر سىلكىنىسى بولعان ەكەن.
جەر سىلكىنىسىن سەزگەن مايامي بريكەلل قارجى اۋدانىندا جۇمىس ىستەيتىن مىڭداعان ادام كەڭسەلەرىن تاستاپ دالاعا شىققان. كۋاگەرلەر جوعارى قاباتتاردا سىلكىنىس قاتتى سەزىلگەنىن ايتقان.
يامايكا پرەمەر-ءمينيسترىنىڭ كەڭسەسى ايماقتا زارداپ شەككەندەر جوق ەكەنىن مالىمدەدى, ال The Miami Herald باسىلىمى كۋبا استاناسى حاۆانا دا ءدىن امان دەدى.
