الەم • 28 قاڭتار، 2020

جاپونيادا اۆتوبۋس جۇرگىزۋشىسى كوروناۆيرۋس جۇقتىرعان

161 رەتكورسەتىلدى

بۇگىن جاپونيا بيلىگى قىتايدان تاراعان ىندەتتى جۇقتىرعان تاعى ەكى ادامدى انىقتادى. بۇل تۋرالى Kyodo اقپارات اگەنتتىگى حابارلادى.

فوتو: Kyodo News Agency

ۆيرۋستى جۇقتىرعان اۆتوبۋس جۇرگىزۋشىسى جاقىن ارادا ۋحان قالاسىندا نە قىتايدا بولماعانى انىقتالعان.

جاپونيانىڭ دەنساۋلىق ساقتاۋ ءمينيسترى كاتسۋنوبۋ كاتونىڭ ايتۋىنشا، 60-تار شاماسىنداعى جاپون ازاماتى اي باسىندا ۋحان قالاسىنان قىدىرىپ كەلگەن تۋريستەر وتىرعان اۆتوبۋستى جۇرگىزگەن ەكەن. جاپونيانىڭ نارا ايماعىندا تۇراتىن ناۋقاس پنەۆمونيا بەلگىلەرىمەن اۋرۋحاناعا سەنبى كۇنى جەتكىزىلگەن. 

سوڭعى دەرەكتەرگە سايكەس، جاپونيادا كوروناۆيرۋس جۇقتىرعان 6 ادام انىقتالعان.

سونداي-اق پنەۆمونيا بەلگىلەرىمەن دارىگەرلەر كومەگىنە جۇگىنگەن ەكىنشى ناۋقاس - 40 جاستاعى ەر ادام ۋحاننان جاپونياعا 20 قاڭتاردا كەلگەن.

ءمينيستردىڭ ايتۋىنشا، سوڭعى انىقتالعان ەكى اداممەن بايلانىستا بولعاندار دا مەديتسينالىق تەكسەرۋدەن ءوتىپ جاتىر.   

 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار