تاعايىنداۋ • 28 قاڭتار، 2020

جامبىل وبلىسىندا ەلىمىزدەگى ەڭ جاس باسقارما باسشىسى تاعايىندالدى

2616 رەتكورسەتىلدى

پرەزيدەنتتىك جاستار كادر رەزەرۆىندە تۇرعان ءابىلحايىر تامابەك جامبىل وبلىسى اكىمىنىڭ وكىمىمەن جامبىل وبلىسى اكىمدىگىنىڭ جەرلەردى پايدالانۋ جانە قورعالۋىن باقىلاۋ باسقارماسىنىڭ باسشىسى – باس مەملەكەتتىك ينسپەكتور بولىپ تاعايىندالدى. بۇگىن جامبىل وبلىسى اكىمىنىڭ ورىنباسارى مۇراتحان شۇكەەۆ باسقارما باسشىسىن ۇجىمعا تانىستىردى.

تامابەك ءابىلحايىر عالىم ۇلى 1994 جىلى تۋعان، ءبىلىمى جوعارى. 2015 جىلى جوعارى بيزنەس مەكتەبىن – ۇلتتىق لۋيس ۋنيۆەرسيتەتىن (WSB-NLU، پولشا) مەنەدجمەنت، 2019 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن مەملەكەتتىك جانە جەرگىلىكتى باسقارۋ ماماندىقتارى بويىنشا بىتىرگەن.

ەڭبەك جولىن 2011 جىلى الماتى قالاسىنداعى «داكە بارلاۋ» جشس-ءنىڭ كادر بولىمشەسىنىڭ ينسپەكتورى بولىپ باستاعان. 2012-2014 جىلدارى «داكە بارلاۋ» جشس-ءنىڭ كادر بولىمشەسىنىڭ باسشىسى، 2015-2016 جىلدارى ۇلتتىق ەكونوميكا مينيسترلىگى ستاتيستيكا كوميتەتى قىزمەت كورسەتۋ جانە ەنەرگەتيكا ستاتيستيكاسى باسقارماسىنىڭ ساراپشىسى، 2017 جىلى قورعانىس جانە اەروعارىش ونەركاسىبى مينيسترلىگى مەملەكەتتىك ماتەريالدىق رەزەرۆتەر كوميتەتى ەكونوميكا، قارجى جانە قۇجاتتامالىق قامتاماسىز ەتۋ باسقارماسىنىڭ ساراپشىسى، 2017-2019 جىلدارى قورعانىس جانە اەروعارىش ونەركاسىبى مينيسترلىگى مەملەكەتتىك ماتەريالدىق رەزەرۆتەر كوميتەتى پەرسونالدى باسقارۋ جانە قۇجاتاينالىم قىزمەتىنىڭ ساراپشىسى، باسشىسى، 2019 جىلى تسيفرلىق دامۋ، قورعانىس جانە اەروعارىش ونەركاسىبى مينيسترلىگى مەملەكەتتىك ماتەريالدىق رەزەرۆتەر كوميتەتى پەرسونالدى باسقارۋ جانە قۇجات اينالىم قىزمەتىنىڭ باسشىسى، ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتى پەرسونالدى باسقارۋ جانە قۇجات اينالىمى قىزمەتىنىڭ باسشىسى قىزمەتتەرىن اتقارعان.

2019 جىلدىڭ قاراشا ايىنان باستاپ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ادامي رەسۋرستاردى باسقارۋ دەپارتامەنتى كادر جۇمىستارى باسقارماسىنىڭ باس ساراپشىسى بولىپ قىزمەت ىستەگەن.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار