رۋحانيات • 28 قاڭتار، 2020

تايجارىستان وزا شاپقان ونەرپازدار ماراپاتتالدى

45 رەتكورسەتىلدى

الماتىدا مەكتەپ وقۋشىلارى مەن كوللەدج ستۋدەنتتەرى  اراسىندا «تايجارىس-تالانت» قوعامدىق قورىنىڭ ۇيىمداستىرۋىمەن «SCENE OF ART`S» بايقاۋى ءوتتى.

الماتى قالاسى «رۋحاني جاڭعىرۋ» جوبالىق ءوفيسى ماماندارى بۇل بايقاۋدىڭ ۇلتتىق قۇندىلىقتاردى ناسيحاتتاۋ، وسكەلەڭ ۇرپاق بويىنا وتانسۇيگىشتىكتى دارىتۋىمەن ەرەكشەلەنەتىندىگىن اتاپ ءوتتى. بايقاۋدا جاس تالانتتار ءان ايتۋ، بي بيلەۋ جانە دە ينسترۋمەنتالدى نومىرلەرىمەن ەرەكشەلەندى. ولاردىڭ قاتارىندا قولدانبالى ونەر شەبەرلەرى دە بار.

بايقاۋدا ونەرپازدار ورىنداعان نومىرلەر كوپشىلىككە كوتەرىڭكى كوڭىل-كۇي سىيلاپ، قازىلار القاسىنىڭ جوعارى باعاسىن الدى. قازاق راديوسىنىڭ ءجۋرناليسى، «تايجارىس-تالانت» قوعامدىق قورىنىڭ پرەزيدەنتى گۇلباعىش بوستان بايقاۋعا قاتىسقان ءاربىر ونەرپازدىڭ بويىندا انگە، بيگە، شىعارماشىلىقتىڭ وزگە دە تۇرلەرىنە دەگەن ىنتاسى، ىقىلاسى ساحناداعى ءاربىر قويىلىمعا ەرەكشە سەرپىن بەرىپ، ءاربىر وبرازدى جوعارى دەڭگەيدە ورىندادى دەپ اتاپ ءوتتى. وسى ورايدا س.مايعازيەۆتىڭ «Smart» ونەر مەكتەبىنىڭ، سونداي-اق ا.بايتۇرسىنوۆ اتىنداعى №139 گيمنازيا وقۋشىلارىنىڭ بولات مامىتبەكوۆتىڭ جەتەكشىلىگىمەن ش.ايتماتوۆ شىعارماسىنىڭ جەلىسى بويىنشا ساحنالاعان «ماڭگۇرت» درامالىق قويىلىمىن ەرەكشە اتاپ وتۋگە بولادى.

وسى بايقاۋدا وزا شاۋىپ، تايجارىستىڭ باس جۇلدەسىنە «كوكىل» ءانسامبلى يە بولسا، ءتورت جاس پەن جەتى جاس ارالىعىنداعى بايقاۋدا «ايگولەك» بالا باقشاسىنىڭ تاربيەلەنۋشىسى، «Smart» ونەر مەكتەبىنەن  قاتىسقان 4 جاسار كاۋسار سەرىك «قازاق ەلى» ءانىن شىرقاپ ءى ورىنعا يە بولدى. ال جاس دومبىراشىلار اراسىندا  «سەرپەر» توبى مەن ء«داۋسارى» توبى ءى ورىندى ەنشىلەپ، جوعارى توپتان ءى ورىندى «قارلىعاش» قوبىزشىلار توبى قانجىعاسىنا بايلادى.

3

پ.چايكوۆسكي اتىنداعى مۋزىكالىق مەكتەپتىڭ فورتەپيانو كلاسىنىڭ ۇستازى، حالىقارالىق بايقاۋلاردىڭ لاۋرەاتى دينا بازاروۆا، «سالتانات» بي ءانسامبلىنىڭ ءبيشىسى، «دارىن» جاستار سىيلىعىنىڭ لاۋرەاتى  جاننا ماكيشەۆا، ««Smart» ونەر  مەكتەبىنىڭ جەتەكشىسى ءاليا ساپارقىزى، «Bibi Studio» جەتەكشىسى بيبىگۇل ەسىمباەۆا سىندى قازىلار القاسىنىڭ قۇرامىندا بولعان كاسىبي ماماندار جاس ونەرپازداردىڭ ونەرىنە ءتانتى بولىپ، شىعارماشىلىق قادامدارىنا ساتتىلىك تىلەدى.

 

 

الماتى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار