قازاقستان • 28 قاڭتار، 2020

سۋ رەسۋرستارىن باسقارۋ باعدارلاماسى ازىرلەنەدى - رۋسلان دالەنوۆ

28 رەتكورسەتىلدى

بيىلعى جىلدىڭ سوڭىنا دەيىن سۋ رەسۋرستارىن باسقارۋ باعدارلاماسى ازىرلەنەتىن بولادى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ مالىمدەدى.

«اگروونەركاسىپتىك كەشەن بويىنشا اۋىل شارۋاشىلىعى شيكىزاتىن قايتا وڭدەۋ جانە اگروونەركاسىپتىك كەشەندە مەملەكەتتىك قولداۋدىڭ تۇراقتىلىعىن قامتاماسىز ەتۋ ءۇشىن بارلىق جاعدايلار جاسالادى. 2020 جىلدىڭ سوڭىنا دەيىن سۋ رەسۋرستارىن باسقارۋ باعدارلاماسى ازىرلەنەتىن بولادى»، - دەدى ۇلتتىق ەكونوميكا ءمينيسترى.

بۇدان سوڭ مينيستر 2020 جىلدىڭ سوڭىنا دەيىن جاڭا رەداكتسياداعى «تەحنيكالىق رەتتەۋ تۋرالى» زاڭ قابىلداناتىنىن ايتتى.

«ونەركاسىپ جانە قۇرىلىس بويىنشا ارنايى ەكونوميكالىق جانە يندۋستريالىق ايماقتاردى، قايتا وڭدەۋ ونەركاسىبىن ءتيىمدى دامىتۋ جونىندە، سونداي-اق ەڭبەك ونىمدىلىگىن ارتتىرۋ جونىندە شارالار قابىلداناتىن بولادى. قوسىلعان قۇننىڭ جاھاندىق تىزبەگىنە ەنۋ جونىندەگى، سونىمەن قاتار ەكسپورتتى ارتتىرۋ جانە ءارتاراپتاندىرۋ بويىنشا شارالار ىسكە اسىرىلاتىن بولادى. ودان باسقا، تۇرعىن ءۇي سالۋ جانە ينفراقۇرىلىمدى ساپالى دامىتۋ بويىنشا شارالار قابىلداناتىن بولادى. اعىمداعى جىلدىڭ سوڭىنا دەيىن جاڭا رەداكتسياداعى «تەحنيكالىق رەتتەۋ تۋرالى» زاڭ قابىلدانادى»، - دەدى ر.دالەنوۆ.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار