تۇساۋكەسەر كەزدەسۋىندە بەرناردا پەرادان باسىم تۇسكەن 20 جاستاعى جەرلەسىمىز ىلە-شالا بەلگيالىق گرەتە ميننەندى دە ەش قينالماي ۇتقان ەدى.
ءۇشىنشى كەزەڭدە رىباكينانىڭ جولى 23 جاستاعى جەرگىلىكتى تەننيسشى ەشلي بارتيمەن قيىسادى. بۇل كۇندەرى الەمنىڭ ءبىرىنشى راكەتكاسى اتانىپ وتىرعان اۋستراليانىڭ وكىلى بيىل رولان گارروستا توپ جارعان بولاتىن. ودان بولەك, اۋستراليانىڭ اشىق بىرىنشىلىگىنىڭ شيرەك فينالىندا ونەر كورسەتىپ, ۋيمبلدون مەن اقش-تىڭ اشىق بىرىنشىلىگىندە ءتورتىنشى كەزەڭگە دەيىن جەتتى. جانە دە ول WTA تۋرنيرلەرىن 10 رەت جانە ITF دودالارىن 9 رەت ۇتقان.
قوس مىقتىڭ اراسىنداعى تارتىس 6:3, 6:2 ەسەبىمەن ەشلي ءبارتيدىڭ پايداسىنا شەشىلدى. بۇل باسەكە 1 ساعات 19 مينۋتقا سوزىلدى.
