اباي • 23 قاڭتار، 2020

ۇلى اباي مۇراسى كەرەكۋ ەلىندە

47 رەتكورسەتىلدى

گ.پوتانين اتىنداعى پاۆلودار وبلىستىق تاريحي-ولكەتانۋ مۋزەيىنىڭ فيليالى «ەرتىس» مۋلتيمەديالىق مۋزەيىندە ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ ۇيىمداستىرۋىمەن اباي قۇنانباەۆتىڭ 175 جىلدىق مەرەيتويىنا ارنالعان « ۇلى اباي مۇراسى» اتتى كورمەنىڭ سالتاناتتى اشىلۋ ءراسىمى ءوتتى. بۇل تۋرالى ابايدىڭ «جيدەباي-ءبورىلى» قورىق-مۋزەيىنىڭ ءباسپاسوز قىزمەتى حابارلادى.

اتالعان كورمەنى تاماشالاعان پاۆلودار قالاسىنىڭ تۇرعىندارى مەن قوناقتارى، زيالى قاۋىم وكىلدەرى، مادەنيەت جانە ونەر مەكەمەلەرىنىڭ قىزمەتكەرلەرى حاكىم ابايدىڭ شىعارماشىلىعى، وسكەن ورتاسى، ءومىر سۇرگەن زامانى تۋرالى مالىمەتتەر الىپ، ۇلى اقىن ومىرىنەن سىر شەرتەتىن اسا باعالى اقپاراتتارعا قانىقتى.

كورەرمەندەر نازارىنا 1885 جىلى تاريحي ولكەتانۋ مۋزەيىنە اباي قۇنانباي ۇلىنىڭ ءوز قولىمەن تابىستاعان اسا قۇندى جادىگەرلەر ۇسىنىلدى. اباي الاقانىنىڭ تابى قالعان ەتنوگرافيالىق بۇيىمدار مەن تۇرمىستىق زاتتاردان بولەك قىزىعۋشىلىق بىلدىرگەن قوناقتار اباي مۋزەيىنىڭ قورىنداعى اباي قۇنانباي ۇلىنا قاتىستى فوتوسۋرەتتەر مەن ارحيۆتىك قۇجاتتار جانە قولجازبالارمەن، ابايتانۋ عىلىمىن دامىتۋ باعىتىندا جارىق كورگەن مۋزەيدىڭ باسپا ونىمدەرىمەن تانىستى.

1

سونىمەن قاتار بۇل كوشپەلى كورمەگە اباي مۋزەيىنىڭ قورىنداعى اسا باعالى كارتينالاردىڭ ءبىرى ج.شاردەنوۆتىڭ «جاس اباي» تۋىندىسى العاش رەت قويىلىپ وتىر.

اتالعان كورمە كيەلى كەرەكۋ، قاسيەتتى باياناۋىل ولكەسىنىڭ تۇرعىندارى مەن قوناقتارى ءۇشىن 22 قاڭتاردان 12 اقپانعا دەيىن جۇمىس ىستەيدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار