تۇساۋكەسەر كەزدەسۋىندە بەرناردا پەرادان باسىم تۇسكەن جەرلەسىمىز ىلە-شالا بەلگيالىق گرەتە ميننەندى دە ەش قينالماي ۇتتى. 1 ساعات 13 مينۋتقا سوزىلعان بۇل سايىستا 6:3, 6:4 ەسەبى تىركەلدى.
ەندى ءۇشىنشى كەزەڭدە رىباكينانىڭ جولى 23 جاستاعى جەرگىلىكتى تەننيسشى ەشلي بارتيمەن قيىسادى. بۇل كۇندەرى الەمنىڭ ءبىرىنشى راكەتكاسى اتانىپ وتىرعان اۋستراليانىڭ وكىلى بيىل رولان گارروستا توپ جارعان بولاتىن.
سونداي-اق بۇگىن زارينا دياس پەن يۋليا پۋتينتسەۆا دا كورتقا شىعادى. زارينا رەسەيلىك اننا بلينكوۆامەن كۇش سىناسسا, يۋليا امەريكالىق دانيەل روۋز كوللينسپەن كەزدەسەدى.
ال جىگىتتەرىمىزدىڭ جەكەلەگەن سايىستا ءساتسىز ونەر كورسەتكەنى بەلگىلى. ەسەسىنە جۇپتىق باسەكەدە ولار وزدەرىن جاقسى قىرىنان كورسەتۋدە. باستاپقى كەزدەسۋدە وتانداستارىمىز الەمدەگى ەڭ مىقتى جۇپتاردىڭ ءبىرى, بىلتىرعى جىلعى رولان گارروستىڭ جەڭىمپازدارى, گەرمانيالىق كەۆين كراۆيتس پەن اندرەاس ءميستى 6:3, 7:6 ەسەبىمەن ۇتتى.
