ول «كاسىپقورعان» كاسىپوداق ۇيىمىنىڭ جەتەكشىسى توعىزباي تاجىبەكوۆپەن ارادا بولعان كيكىلجىڭ بارىسىندا پىشاقتان ارقا تۇسىنان جاراقات العان.
«قازاقمىس» كورپوراتسياسى» جشس-ءنىڭ «كاسىپقورعان» كاسىپوداق ۇيىمىنىڭ توراعاسى توعىزباي تاجىبەكوۆ كيكىلجىڭ كەزىندە امانگەلدى مينيگۋلوۆتىڭ ارقاسىنا پىشاق سالعان جانە كورپوراتسيانىڭ اراشالاماق بولعان مامانى سابىرجان تەمباەۆتى كەۋدە تۇسىنان جاراقاتتاعان», دەلىنگەن حابارلامادا.
پوليتسيا دەپارتامەنتىندەگىلەر اتاپ وتكەندەي, سودان كەيىن ول ءوزىنىڭ كەۋدەسىنىڭ سول جاق تۇسىنان پىشاق سالعان. سونىڭ سالدارىنان توعىزباي تاجىبەكوۆ وقيعا بولعان جەردە قازا تاپقان. توتەنشە وقيعا باس ديرەكتور امانگەلدى مينيگۋلوۆتىڭ قىزمەتتىك بولمەسىندە بولعان.
جاپا شەككەندەردىڭ ەكەۋى دە جەزقازعانداعى مەديتسينا ورتالىعىنا جەتكىزىلگەن. مەديتسينا قىزمەتكەرلەرى امانگەلدى مينيگۋلوۆقا جاسالعان وتانىڭ ءساتتى وتكەنىن راستادى.
اتالعان وقيعا بويىنشا تەرگەۋ-تەكسەرۋ امالدارى جۇرگىزىلۋدە.
