قوعام • 22 قاڭتار، 2020

«جاستار تاجىريبەسىنە» جەتكىلىكتى كوڭىل بولىنە مە؟

14 رەتكورسەتىلدى

«جاستار تاجىريبەسى» جوباسى ارناۋلى جانە جوعارى ءبىلىم الىپ، ۇلكەن ومىرگە قانات قاققان جاستار ءۇشىن ەڭبەك جولىن باستاۋعا تاپتىرمايتىن جول. جوبا جۇزەگە اسقالى بەرى ەلىمىزدە مىڭداعان جاس مامان جۇمىس تاۋىپ جاتىر. الايدا بۇل باعىتتا دا الاڭداتارلىق جاعداي بار ەكەن.

مىسالى، الماتى وبلىسىندا «جاس­تار تاجىريبەسى» جوباسى اق­ساپ تۇر. ايماقتا سوڭعى ەكى جىل كولە­مىن­دە «جاستار تاجىريبەسى» جوباسىن قارجى­لاندىرۋعا 1 ملرد تەڭگەدەن استام قاراجات جۇمسالعان. اتاپ ايت­قان­­دا، 2018 جىلى 459،3 ميلليون تەڭگە يگەرىلسە، 2019 جىلى بۇل قارجى 599،2 ميلليون تەڭگەگە دەيىن وسكەن. بىراق وبلىس جاستارىنىڭ ەڭبەك تا­جىري­­بەسىنەن ءوتۋى مەن جۇمىسقا ورنا­­لا­سۋىنا قاتىستى ءىس كوڭىل كون­شىت­پەي تۇر. بۇل تۋرالى «جەتىسۋ – ادال­دىق الا­ڭى» جوبالىق كەڭسەسىنىڭ جەتەك­شى­سى امانجول جازىقباەۆ مالىم­دەدى. جاستاردى جۇمىسقا تار­تۋعا ار­نالعان جول كارتاسىنا جۇر­گىز­ىلگەن مونيتورينگ ناتيجەسى بۇل با­عىت­­تا بىرنەشە قاتەلىك بولعانىن انىق­­تاعان ەكەن. ساراپشىلار «جاستار تاجىريبەسى» جوباسى اياسىن­دا وندىرىستىك تاجىريبەدەن وتۋگە جى­بە­رىلگەن جاس مامانداردىڭ تاع­دى­رى­­نا الاڭداۋشىلىق ءبىلدىرىپ وتىر. ويت­كەنى تاجىريبەدەن وتكەن 2 مىڭعا جۋىق جاس ماماننىڭ 20 پايىزى عانا تۇ­راقتى جۇمىسقا قابىلدانعان. سونداي-اق جاستاردى مەكەمەلەرگە ءبولۋ بارىسىنداعى جاۋاپسىزدىقتىڭ كەسى­رىنەن بەلگىلى ماماندىق يەسى وزىنە بەي­تانىس سالادا تاجىريبەدەن وتۋگە ءماج­بۇر بولعان ەكەن.

– وكىنىشكە قاراي وبلىس بويىن­شا «جاستار تاجىريبەسى» جوباسى­نا قاتىستى جۇمىس اقساپ تۇر. ءبىز تاجىري­بەدەن وتكەن جاستاردىڭ ارا­سىن­دا ساۋالداما وتكىزدىك. وعان قا­تى­سۋ­شىلاردىڭ دەنى جۇمىس پروتسەسىنە ارالاسپاعانىن، مەكەمەلەردەگى «شا­ۋىپ كەل، بارىپ كەل» جۇمىستاردى ىستە­گە­نىن ايتادى. تاعى ءبىر بولىگى مۇلدەم بەي­تانىس سالاعا تۇسكەندەرىن كورسەتتى. مى­سالى، اسپازشىنىڭ وقۋىن بىتىر­گەن تۇلەكتى ارحيتەكتۋرا بولىمىنە تاجىريبەدەن وتۋگە جىبەرگەن. دەمەك، بۇل باعدارلامانىڭ جۇزەگە اسۋىنا جاۋاپتى ادامدار ءوز جۇمىسىنا سالعىرت قاراپ، جول كارتاسى بويىنشا جاستاردى ماماندىققا ساي ءبولۋ ءىسىن قۇتىلۋ ءۇشىن عانا جۇرگىزگەن، – دەدى «جەتىسۋ – ادال­دىق الاڭى» جوبالىق كەڭسەسىنىڭ جەتەك­شىسى امانجول جازىقباەۆ.

ايتپاقشى، وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە، ايماقتا رەسمي تىركەلگەن جۇمىسسىزدار سانى 60 مىڭ ادامدى قۇرايدى. سونىڭ ىشىندە ەكى قولعا ءبىر كۇرەك ىزدەپ جۇرگەن جاس­تار­دىڭ ۇلەسى 20 مىڭنىڭ شاماسىندا ەكەن. سونداي-اق 2019 جىلى وڭىردەگى جۇمىسسىزدىقپەن كۇرەسۋگە 15 ملرد تەڭگە قاراجات قاراستىرىلىپ، جۇم­سالعان كورىنەدى. وسى باعدارلاما اياسىندا 1400 تۇرعىنعا جەكە كاسىبىن اشۋ ءۇشىن 505 مىڭ تەڭگە كولەمىندە ارنايى گرانت بەرىلگەن. ال جۇمىسسىزدار تىزىمىندەگى 85 جاس 252 مىڭ تەڭگە مول­شە­رىندە قولداۋ قارجىسىن يەلەنگەن.

جۇمىسسىزدىق دەگەننەن شىعادى، جىل باسىنان بەرى ەلەكتروندى ەڭبەك بير­جاسىندا الماتى وبلىسىنداعى بوس جۇمىس ورىندارى جايلى 974 حابار­لان­دىرۋ جاريالانعان ەكەن. ياعني، اي­ماق­­تىڭ ەڭبەك نارىعى 2 487 ءتۇرلى ما­مان­دىق يەسىنە ءزارۋ بولىپ وتىر. جالپى، enbek.kz ساي­تىن­دا­عى اشىق دەرەك­­كوزدەردەن بەلگىلى بول­عان­داي، وبلىستا الەۋمەتتىك سالا بو­يىنشا ماماندارعا سۇرانىس جوعارى. اتاپ ايتقاندا، اۋداندار بو­يىنشا بەرىلگەن حابارلاندىرۋلاردىڭ ۇلەسى مۇعالىم، ورتا دەڭگەيلى مەدي­تسي­نا قىزمەتكەرى، مەيىربيكەلەر مەن مەكتەپتەردەگى جۇمىسشىلارعا قاتىستى بولىپ وتىر.

 

الماتى وبلىسى

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار