ەكىنشى اينالىمدا الەمنىڭ 26 راكەتكاسى ەلەنا رىباكينا گرەتە ميننەنمەن كەزەسەتىنى جايىندا ءبىز بۇعان دەيىن دە حابارلاعانبىز. WTA رەيتينگىندە 119 ورىندا تۇرعان بەلگيانىڭ وكىلى وسى جارىستىڭ تۇساۋكەسەر كەزدەسۋىندە بەلارۋسسيالىق الەكساندرا ساسنوۆيچكە سان سوقتىردى – 7:6, 4:6, 7:5.
الەمنىڭ 73 راكەتكاسى زارينا دياس رەسەيلىك اننا بلينكوۆامەن جولىعادى. ول WTA رەيتينگىندە 119 ورىندا تۇر. العاشقى كەزەڭدە بلينكوۆا يتاليالىق جاسمين ءپاولينيدى 7:5, 6:4 ەسەبىمەن ءۇتتى.
الەمنىڭ 38 راكەتكاسى يۋليا پۋتينتسەۆا تاعى دا امەريكالىق تەننيسشىمەن كۇش سىناسادى. بۇل جولعى قارسىلاسى – دانيەل روۋز كوللينس. ول ۇزدىكتەر تىزىمىندە 25 ساتىعا جايعاسقان. بۇگىن كوللينس رەسەيلىك ۆيتاليا دياچەنكودان باسىم ءتۇستى – 6:1, 3:6, 6:4.
