قوعام • 21 قاڭتار، 2020

ب. ساپارباەۆ ەلورداداعى پسيحياتريالىق ورتالىقتىڭ جۇمىسىمەن تانىستى

10 رەتكورسەتىلدى

پرەمەر-ءمينيستردىڭ ورىنباسارى بەردىبەك ساپارباەۆ نۇر-سۇلتان قالاسىنداعى مەديتسينالىق پسيحياتريالىق دەنساۋلىق ورتالىعىنىڭ جۇمىسىمەن تانىستى. بۇل تۋرالى primeminister.kz حابارلادى. 

مەديتسينالىق مەكەمەدە پسيحيكالىق اۋىتقۋشىلىقتارى بار ادامدارعا جانە مۇگەدەك جاندارعا دەنساۋلىعىن قالپىنا كەلتىرىپ، قوعامعا ورالۋىنا كومەك كورسەتىلەدى. وسى ماقساتتا ەڭبەك ارقىلى وڭالتۋ كۋرستارى ۇيىمداستىرىلعان، وندا پاتسيەنتتەر جۇمىسشى ماماندىقتارىن يگەرە الادى. جىل سايىن 500-دەن اسا ادام وڭالتۋ ەمشاراسىنان وتەدى.

ء«بىز سونداي-اق الەۋمەتتىك بەيىمدەلۋگە كومەكتەسەمىز، كونسۋلتاتسيالار، الەۋمەتتىك داعدىلار ترەنينگتەرىن وتكىزەمىز، پسيحولوگيالىق ءبىلىم، وتباسىلىق كەڭەس بەرۋمەن اينالىسامىز. كومەكتى بىلىكتى ماماندار كورسەتەدى. وسىلايشا، ءبىز وڭالتۋدىڭ كەشەندى ماسەلەلەرىن شەشەمىز»،- دەپ اتاپ ءوتتى ورتالىق ديرەكتورى ەربول نۇرقاتوۆ.

2015 جىلدان باستاپ اتالعان مەديتسينالىق ورتالىقتىڭ بازاسىندا «GreenTAL» الەۋمەتتىك شەبەرحاناسى تابىستى جۇمىس ىستەپ كەلەدى، وندا الەۋمەتتىك جاعىنان ءالسىز ساناتتاعى ازاماتتاردى: مۇگەدەكتىگى بار ادامداردى، كوپ بالالى جانە از قامتىلعان وتباسىلاردان شىققان ازاماتتاردى، بۇرىنعى سوتتالعانداردى وقىتادى جانە ودان ءارى جۇمىسقا ورنالاستىرادى. مۇندا مەديتسينالىق ورتالىقتا وڭالتۋدان وتكەن پاتسيەنتتەر دە جۇمىس تابا الادى.

جوبا جەتەكشىسى ەمين اسكەروۆتىڭ ايتۋىنشا، بەس جىل ىشىندە شەبەرحانادا 700-دەن استام ادام وقىتىلدى. ورتاشا جالاقى 100-150 مىڭ تەڭگەنى قۇرايدى.

ء«بىزدىڭ نەگىزگى ماقساتىمىز – اقشا تابۋ ەمەس، الەۋمەتتىك تۇرعىدان ءالسىز ازاماتتاردى جۇمىسقا ورنالاستىرۋ ءۇشىن جاعداي جاساۋ. بۇگىنگى تاڭدا ءبىزدىڭ شەبەرحانادا 42 ادام جۇمىس ىستەيدى، ولاردىڭ 16-ى – دەنساۋلىعىندا مەنتالدىق كەمشىلىگى بار ازاماتتار. دەگەنمەن، وزدەرىنىڭ ەرەكشەلىكتەرىنە قاراماستان، ولار ەڭبەك ەتىپ، جالاقى الادى، ولاردىڭ ءومىر سۇرۋگە جانە جۇمىس ىستەۋگە دەگەن ىنتاسى جوعارى»،- دەدى ە. اسكەروۆ.

بەردىبەك ساپارباەۆ الەۋمەتتىك شەبەرحانانىڭ جۇمىسىن جوعارى باعالاپ، ەڭبەك جانە حالىقتى الەۋمەتتىك قورعاۋ مينيسترلىگىنە وسىنداي تاجىريبەنى ەلىمىزدىڭ باسقا دا وڭىرلەرىندە تاراتۋ ماسەلەسىن قاراستىرۋدى تاپسىردى.

ارالانعان كەلەسى نىسان «DAYR» قوعامدىق قورى بولدى، ونى ءى-توپ مۇگەدەگى ءامىر سۇلەيمەنوۆ اشقان. ءبىر جىلعا جەتەر-جەتپەس ۋاقىتتا قوردا جۇمىسسىزدار، مۇگەدەكتىگى بار ازاماتتار، تولىق ەمەس جانە كوپ بالالى وتباسىلار قاتارىنان 200-دەن استام ادام ات جانە SMM داعدىلارىنا وقىتۋدان ءوتتى. ولاردىڭ 80%-ى جۇمىسقا ورنالاستى.

«سىزدەر كوپشىلىككە ۇلگى بولارلىق ىسپەن اينالىسىپ جۇرسىزدەر. ويتكەنى، ومىرلىك قيىندىقتارعا قاراماستان، سىزدەر وزدەرىڭىزبەن تۇلعالىق جۇمىس ىستەپ قانا قويماي، وزدەرىڭىزدى جان-جاقتى دامىتىپ، ءوز قابىلەتتەرىڭىزدى ارتتىرىپ جۇرسىزدەر، سونىمەن قاتار باسقا ادامدارعا بەلگىلى ءبىر داعدىلاردى يگەرۋگە جانە جۇمىسقا ورنالاسۋعا كومەكتەسىپ جۇرسىزدەر. ەڭبەك جانە حالىقتى الەۋمەتتىك قورعاۋ مينيسترلىگى مەن اكىمدىك وسىنداي جوبالاردى قولداپ، تاراتۋى كەرەك»،- دەپ اتاپ ءوتتى ب. ساپارباەۆ.

سونىمەن قاتار، ۆيتسە-پرەمەر ءىرى ساۋدا جەلىسىنىڭ گيپەرماركەتىنە باردى. ەلوردا اكىمدىگى ساۋدا كومپانياسىمەن بىرلەسە وتىرىپ، تۇرمىسى تومەن وتباسىلاردان شىققان بالالاردى كەپىلدىك بەرىلگەن الەۋمەتتىك پاكەتتەرمەن قامتاماسىز ەتۋ جوباسىن جۇزەگە اسىرۋدى جوسپارلاپ وتىر.

«ااك الاتىن وتباسىلارعا پلاستيكالىق كارتالار بەرىلەتىن بولادى. ولاردىڭ كومەگىمەن ازىق-ت ۇلىك ونىمدەرى مەن گيگيەنالىق جيىنتىقتاردى تىكەلەي دۇكەندەردەن الۋعا بولادى. بيىل اتاۋلى الەۋمەتتىك كومەكپەن جانە الەۋمەتتىك پاكەتتەرمەن 4 200-گە جۋىق از قامتىلعان وتباسىلاردى قامتۋدى جوسپارلاپ وتىرمىز. اتالعان ماقساتقا 2 ملرد تەڭگەدەن استام قارجى ءبولىندى»، — دەدى قالا اكىمىنىڭ ورىنباسارى باقتيار ماكەن.

جوبانى وسى جىلدىڭ ناۋرىز ايىندا ىسكە قوسۋ جوسپارلانۋدا.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار