سپورت • 21 قاڭتار، 2020

الماتىدا قازاقستان، كۋبا، جاپونيا، ۆەنگريا بوكس قۇرامالارىنىڭ وقۋ-جاتتىعۋى اياقتالدى

50 رەتكورسەتىلدى

الماتى وبلىسى تالعار اۋدانىندا ورنالاسقان دۇنيەجۇزىلىك بوكس اكادەمياسىندا قازاقستان، كۋبا، جاپونيا جانە ۆەنگريا ۇلتتىق قۇرامالارىنىڭ بىرلەسكەن وقۋ-جاتتىعۋ جيىنى اياقتالدى.

قازىرگى كەزدە وتاندىق بىلعارى قولعاپ شەبەرلەرى قىتايدا وتەتىن ليتسەنزيالىق تۋرنيرگە قىزۋ دايارلانۋدا. ايتۋلى جارىستا سارى قۇرلىقتىڭ بارلىق مىقتىلارى باس قوسىپ، وليمپيا ويىندارىنىڭ جولدامالارى ءۇشىن تالاسادى. سول سەبەپتى دە ۆاسيلي لەۆيت، بەكزات نۇرداۋلەتوۆ، قامشىبەك قوڭقاباەۆ، ءابىلحان امانقۇل، ابىلايحان ءجۇسىپوۆ، تۇرسىنباي قۇلاحمەت، ساكەن بيبوسىنوۆ جانە تاعى باسقا ەلىمىزدىڭ ەڭ ۇزدىك بوكسشىلارى الاتاۋ باۋرايىندا 12 كۇن بويى جاتتىقتى.

وسى جيىنعا سوناۋ بوستاندىق ارالىنان داڭقى جەر جارعان حۋليو سەزار لا كرۋز، ارلەن لوپەس، ەندي كرۋز گومەس،  رونيەل يگلەسياس ساتالونگو، لازارو الۆارەس ەسترادا باستاعان ءبىر توپ گۇرزى جۇدىرىقتى جىگىتتەر كەلدى. سونداي-اق، جاپونيا مەن ۆەنگريانىڭ ۇلتتىق قۇرامالارى دا وسى جەردە تەر توكتى.

عالىمجان كەنجەباەۆ تىزگىنىن ۇستاعان كوماندا كەلەسى وقۋ-جاتتىعۋ جيىنىن نۇر-سۇلتاندا وتكىزەدى. تاياۋ كۇندەرى ولاردىڭ قاتارىنا انگليا مەن گەرمانيانىڭ بوكسشىلارى قوسىلادى دەپ كۇتىلۋدە.   

سوڭعى جاڭالىقتار

ۇقساس جاڭالىقتار