سپورت • 21 قاڭتار، 2020

تەننيس: قىزدار قۋانتتى، جىگىتتەر ۇتىلدى

22 رەتكورسەتىلدى

جۇلدە قورى 43 031 250 اقش دوللارىن قۇرايتىن تەنننيسشىلەر اراسىنداعى «ۇلكەن دۋىلعا» ساناتىنداعى جارىستاردىڭ ءبىرى – اۋستراليانىڭ اشىق بىرىنشىلىگىنىڭ العاشقى كەزەڭى ارتتا قالدى.

مەلبۋرندەگى تۋرنيردە قازاقستاننىڭ بەس ويىنشىسى ونەر كورسەتۋدە. العاشقى اينالىمدا قىزدارىمىز قۋانتتى. جارىس جولىنا شىققان ءۇش ارۋىمىزدىڭ بارلىعى دا جەڭىسكە جەتتى.

اتاپ ايتساق، ەلەنا رىباكينا (الەمنىڭ 26 راكەتكاسى) امەريكالىق بەرنادا پەرانى (65 راكەتكا) ەش قينالماي ۇتتى. ەسەپ – 6:3، 6:2.

زارينا دياستىڭ (73 راكەتكا) دا جولى اقش تەننيسشىسىمەن قيىستى. ءۇش سەتتىك سايىستا جەرلەسىمىز اماندا انيسيموۆادان (24 راكەتكا) ايلاسىن اسىردى – 6:3، 4:6، 6:3.

يۋليا پۋتينتسەۆا (38 راكەتكا) تايپەيلىك سە شۋۆەيگە (37 راكەتكا) شاڭ قاپتىرىپ كەتتى – 6:1، 6:3.

وكىنىشكە قاراي، جىگىتتەرىمىز سەنىم ۇدەسىنە شىعا المادى. ميحايل كۋكۋشكين (68 راكەتكا) اۋستراليانىڭ وكىلى مارك پولمانسقا (133 راكەتكا) ەسە جىبەرسە، الەكساندر بۋبليك (56 راكەتكا) كورت قوجايىنى دجوردان تومپسوننىڭ (66 راكەتكا) وسال تۇسىن تابا المادى.       

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار