دەلەگاتسيا قۇرامىنا اۋىل شارۋاشىلىعى مينيسترلىگىنىڭ, اقمولا, سولتۇستىك قازاقستان جانە قاراعاندى وبلىستارى اكىمدىكتەرىنىڭ وكىلدەرى كىردى.
ءىس-ساپار اياسىندا ا.ساپاروۆ گەرمانيانىڭ فەدەرالدىق ازىق-ت ۇلىك جانە اۋىل شارۋاشىلىعى مينيسترلىگىنىڭ پارلامەنتتىك ستاتس-حاتشىسى ۋۆە فەيلەرمەن, گفر اۋىل شارۋاشىلىعى مينيسترلىگىنىڭ (BMEL) وكىلدەرىمەن, ەستونيا, رۋمىنيا جانە مونعوليا اۋىل شارۋاشىلىعى مينيسترلەرىمەن, گەرمانيا فەرمەرلەرى قاۋىمداستىعىنىڭ باسشىسىمەن, سونداي-اق, CLAAS كومپانياسى جانە «قازاقستان-گەرمان اگرارلىق-ساياسي ديالوگ» ەكى جاقتى كووپەراتسيالىق جوباسىنىڭ جاڭا قۇرامىمەن كەزدەسۋلەر وتكىزدى.
ۋۆە فەيلەرمەن كەزدەسۋ بارىسىندا ەكى ەل اراسىنداعى ءسۇتتى مال شارۋاشىلىعىن دامىتۋ باعىتىنداعى ىنتىماقتاستىقتى ارتتىرۋ جانە قازاقستانعا ينۆەستيتسيالار مەن جاڭا تەحنولوگيالاردى تارتۋ ماسەلەلەرى قوزعالدى.
ء«بىز نەمىس كومپانيالارىمەن, ولاردىڭ ىشىندەگى ءبىز ءۇشىن نەگىزگى سەرىكتەس بولىپ وتىرعان CLAAS كومپانياسى وكىلدەرىمەن بىرقاتار كەزدەسۋ وتكىزدىك. قازىر قازاقستاندا گەرمانيامەن بىرلەسكەن كاسىپورىن اشۋ جۇمىستارى جۇرگىزىلۋدە. بۇل جۇمىستاردى جەدەلدەتۋ قاجەت. نەمىس كونتسەرنى وكىلدەرىمەن كەزدەسۋ قورىتىندىسى بويىنشا اتالمىش كومپانيا وكىلدەرىنىڭ قازاقستانعا كەلىپ, اۋىل شارۋاشىلىعى سالاسىنا جەتەكشىلىك ەتەتىن پرەمەر-ءمينيستردىڭ ورىنباسارىمەن كەزدەسۋ وتكىزەتىنى تۋرالى كەلىستىك», - دەدى ايداربەك ساپاروۆ.
ا.ساپاروۆتىڭ ايتۋىنشا, قازاقستاندىق اۋىل شارۋاشىلىعى تاۋارلارىن وندىرۋشىلەرگە گەرمانياداعى ءسۇتتى مال شارۋاشىلىعىن دامىتۋ تاجىريبەسى, فەرمالاردى باسقارۋداعى مەنەدجمەنت, زاماناۋي كەشەندى جۇيەلەردى پايدالانۋ جانە وزگە دە سالالاردا تاجىريبە الماسۋ پايدالى بولادى.
سونداي-اق ول گفر اۋىل شارۋاشىلىعى مينيسترلىگى وكىلدەرىمەن كەزدەسۋىنىڭ قورىتىندىسى بويىنشا گەرمانياداعى سوڭعى زاماناۋي تەحنولوگيالار مەن روبوتتار ەنگىزىلگەن شارۋا قوجالىقتارىنا جانە ساۋ قوندىرعىلارىن شىعاراتىن زاۋىتتارعا بارىپ كورۋ ارقىلى تاجىريبە الماسۋ مۇمكىندىگىنە قول جەتكىزگەندىگى تۋرالى ايتتى.
حالىقارالىق كورمە جوعارى دەڭگەيدە ۇيىمداستىرىلعانىن ايتا كەلە, ايداربەك سەيپەل ۇلى كەلەسى جىلى قازاقستان كورمە اياسىندا ءوز پاۆيلونىن ۇسىنىپ, ۇزدىك قازاقستاندىق اۋىل شارۋاشىلىعى ونىمدەرىن كورسەتۋ جوسپارلانىپ وتىرعانىن جەتكىزدى.
ءوز كەزەگىندە گەرمانيانىڭ فەدەرالدىق ازىق-ت ۇلىك جانە اۋىل شارۋاشىلىعى مينيسترلىگىنىڭ پارلامەنتتىك ستاتس-حاتشىسى ۋۆە فەيلەر قازاقستاندىق تاراپقا كورمەگە قاتىسۋعا شاقىرۋدى قابىل العانى ءۇشىن العىسىن ءبىلدىردى.
«وتكەن جىلدىڭ جەلتوقسان ايىندا مينيستر ساپارحان وماروۆپەن كەزدەستىك. بىزدە تولىق ءوزارا تۇسىنىستىك پايدا بولدى. قازىر وسى باعىتتاعى باستاعان جۇمىستى ءتيىمدى جالعاستىرۋ ماڭىزدى. ءبىزدىڭ مينيسترلىك بارلىق سۇراقتارىڭىز بەن ۇسىنىستارىڭىزعا ارقاشان جاۋاپ بەرۋگە دايىن», - دەدى ۋۆە فەيلەر.
«International Green Week 2020» ازىق-ت ۇلىك ونەركاسىبى, باعباندىق, اۋىل جانە ورمان شارۋاشىلىعىنىڭ حالىقارالىق ساۋدا كورمەسى بيىل 85-ءشى رەت وتكىزىلۋدە. وسى جىلعى كورمەگە 72 ەل مەن 11 حالىقارالىق ۇيىم قاتىستى.
