ءتيىستى تۇزەتۋلەر جاڭا جىلدان باستاپ كۇشىنە ەنىپ, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى, مەملەكەتتىك باسقارۋ جۇيەسىن جانە بيۋدجەتارالىق قاتىناستاردى جەتىلدىرۋ, كرەديتتەۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ارقىلى قابىلداندى.
كوزدەلىپ وتىرعانداي, جاڭالىق جەرگىلىكتى اتقارۋشى ورگانداردىڭ وڭىردەگى ىسكەرلىك بەلسەندىلىگىن ارتتىرۋعا جانە شوب-تى دامىتۋعا ىنتالاندىرادى.
رەسپۋبليكالىق بيۋدجەتكە كتس ءتۇسىمى تەك تىزبە بويىنشا ءىرى كاسىپكەرلىك سۋبەكتىلەرىنەن عانا تۇسەدى. كاسىپكەرلەردىڭ تىزبەسى ۇلتتىق ەكونوميكا جانە قارجى مينيسترلىكتەرىنىڭ بىرلەسكەن بۇيرىعىمەن ءۇش جىلدا ءبىر رەت بەكىتىلەدى.
سونداي-اق وبلىس ءماسليحاتتارىنا وبلىس جانە اۋدان بيۋدجەتتەرىنىڭ اراسىنداعى شوب-تىڭ كتس-ىن ءبولۋ نورماتيۆتەرىن بەلگىلەۋ قۇقىعى بەرىلەدى.
بۇرىن كورپوراتيۆتىك تابىس سالىعىنىڭ تۇسىمدەرى تولىق كولەمدە رەسپۋبليكالىق بيۋدجەتكە تۇسەتىن.
ەسكە سالساق, ارنايى سالىق رەجىمى قولدانىلاتىن ميكرو نەمەسە شاعىن كاسىپكەرلىك سۋبەكتىلەرى, ونىڭ ىشىندە بىرىڭعاي جەر سالىعىن تولەۋشىلەر كورپوراتيۆتىك, جەكە تابىس سالىعىن (تولەم كوزىنەن ۇستالاتىننان باسقا), الەۋمەتتىك سالىقتى جانە بىرىڭعاي جەر سالىعىن تولەۋدەن ءۇش جىلعا بوساتىلادى.
مينيسترلىكتىڭ ەسەبى بويىنشا, تابىس سالىعىنان بوساتۋ 1,2 ملن ميكرو جانە شاعىن كاسىپكەرلىك سۋبەكتىلەرىنە قولدانىلادى. بۇل بيزنەسكە ءۇش جىل ىشىندە 380 ملرد تەڭگەدەن استام قاراجات ۇنەمدەۋگە, بوساعان قاراجاتتى ءوز قىزمەتىن دامىتۋعا باعىتتاۋعا مۇمكىندىك بەرەدى.
بۇل تۇزەتۋلەر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وڭالتۋ جانە بانكروتتىق راسىمدەرىن, بيۋدجەت, سالىق زاڭناماسىن جانە تەمىرجول كولىگى تۋرالى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2019 جىلعى 27 جەلتوقسانداعى № 290-VI قازاقستان رەسپۋبليكاسىنىڭ زاڭى ارقىلى قابىلداندى.
