سپورت • 20 قاڭتار، 2020

مۋنگيامەن جۇدىرىقتاسۋى مۇمكىن

24 رەتكورسەتىلدى

تاياۋدا اقش-تىڭ تەحاس شتاتىنداعى سان-انتونيو قالاسىندا وتكەن بوكس كەشىندە مەكسيكانىڭ مىقتىسى، WBO نۇسقاسى بويىنشا ءبىرىنشى ورتا سالماقتاعى الەم چەمپيونى حايمە مۋنگيا يرلانديالىق گەري و’سالليۆاندى 11-راۋندتا تەحنيكالىق نوكاۋتپەن ۇتىپ، ءدۇيىم جۇرت الدىندا ءوزىنىڭ مىقتىلىعىن تاعى ءبىر پاش ەتتى.

بۇل جەكپە-جەك جايىندا ءبىز بەكەر اڭگىمەلەپ وتىرعان جوق­پىز. ونىڭ وزىندىك سەبەبى بار. اتاپ ايتساق، گەري و’سالليۆان كە­زىندە بوراتتىڭ كەيپىنە ەنىپ، قازاقستاننىڭ ماقتانىشى گەن­­نادي گولوۆكيندى جەكپە-جەككە شاقىرعان ەدى. بىراق GGG وزىنەن دەڭگەيى الدەقايدا تومەن بوكسشىمەن كۇش سىناسۋدى قۇپ كورمەدى. ال حايمە مۋنگيا بولسا، الداعى ۋاقىتتا قازاقتىڭ قۇرىش جۇ­دىرىقتى جىگىتى قانات يس­لام­مەن جۇ­دىرىقتاسۋى مۇمكىن. بۇل كۇن­دەرى بۇقارالىق اقپارات قۇ­رال­دارىندا وسى ىس­پەتتەس اڭگى­­مەلەر ءجيى ايتىلۋدا.    

راسىندا دا، حايمە مۋن­گيا – وتە مىقتى بوكسشى. 23 جاس­تاعى مەكسيكانىڭ ورەنى كە­زىندە بىر­نەشە بەلدى نۇس­قالار بويىنشا الەم چەمپيونى اتانعان ايگىلى انتونيو مار­گاريتومەن ءبىر زالدا جات­تىعىپ، ساقا سپورتشى­دان كوپ نارسە ۇيرەندى. قا­زىر­گى كەزدە ول نوە الۆارەس پەن رو­­بەرت الكاسار سىندى بى­لىك­­­تى باپ­كەرلەردىڭ قول استىن­دا جات­تىعۋدا. سونىمەن قاتار حايمەنىڭ اكەسى دە وسى سپورت ءتۇرىن سەرىك ەتىپ، اسا اۋىر سال­ماق­تا ونەر كورسەتتى.

كاسىپقويلار اراسىندا ءوزىنىڭ تۇساۋكەسەر كەزدەسۋىن مۋنگيا 2013 جىلدىڭ 13 شىلدەسىندە وت­كىز­دى. ول كەزدە حايمە نەبارى 16 جاستا ەدى. سودان بەرى 35 مارتە رينگ­كە كوتەرىلگەن ول بارلىق قار­سىلاسىنان باسىم ءتۇستى. 28 باسەكەنى مەرزىمىنەن بۇرىن اياقتادى. بىلتىرعى جىلدىڭ مامىر ايىندا وتكەن جەكپە-جەكتە اقش-تىڭ وكىلى سادام ءاليدى ءتور­تىنشى راۋندتا ۇرىپ جىققان مەكسيكانىڭ جاس پەرىسى ءبىرىنشى ورتا سالماقتا WBO نۇسقاسى بويىنشا الەم چەمپيونى اتاعىن يەلەندى. ءوزىنىڭ التىن بەلبەۋىن ول ۇلىبريتانيالىق ليام سميت، كانادالىق برەندون كۋك، جا­پونيالىق تاكەشي ينوۋە، ير­لانديالىق دەنيس حوگان جانە گانالىق پاتريك اللوتيگە قارسى ايقاستاردا ءساتتى قورعادى. 

بىلتىر مۋنگيا سول كەزدە­گى WBC، WBA جانە IBF نۇسقا­ل­ارى بويىنشا ورتا سالماق­تا­عى چەمپيوندىق ءتاجدىڭ يەگە­رى گەننادي گولوۆكينمەن جۇدى­رىقتاسۋعا نيەت ءبىلدىردى. قازاق­ستاندىق بوكسشى قارسىلىق بىل­دىرمەگەن كورىنەدى. بىراق نەۆا­دا شتاتىنىڭ اتلەتيكالىق كوميسسياسى تاجىريبەسىنىڭ ازدىعىن العا تارتىپ، گولوۆكيننىڭ مەك­سيكانىڭ ورەنىمەن كۇش سىناسۋى­نا رۇقسات بەرمەدى.

بۇل كۇندەرى بارشا قازاقستان­دىق جانكۇيەرلەر حايمە مۋنگيا­نىڭ قانات يسلاممەن كۇش سىناسۋىن قالاپ وتىر. سەبەبى قان­داسىمىزدىڭ كاسىپقوي رينگتە كۇش سىناسىپ جۇرگەنىنە سەگىز جىلعا جۋىقتاپ قالدى. سول ارالىقتا 27 جەكپە-جەك وتكىزگەن ول بارلىعىن جەڭىسپەن اياقتادى. 21 قارسىلاسىن ەسىنەن تاندىردى. سوعان قاراماستان، 35 جاستاعى يسلام ءۇشىن بەلدى نۇسقالاردىڭ ءبىرىنىڭ التىن بەلبەۋى ءۇشىن تا­لاسۋدىڭ ەش رەتى كەلمەدى. شىنى كەرەك، قانات تەك ورتاڭقول بوكس­شىلارمەن عانا جۇدىرىقتاسىپ ءجۇر. ونى مويىنداۋعا ءتيىسپىز. سونىڭ سالدارىنان ول ءبىر ورىندا قالىپ قويدى. بوكس الەمىندەگى دا­رەجەسى دە، بەدەلى دە وسە قويعان جوق. رەيتينگى دە تۇرالاپ تۇر. ال ەگەر جوعارىداعى جوسپار جۇزەگە اسىپ، مۋنگيا مەن يسلام ورتاق مامىلەگە كەلسە، قانات باۋىرىمىز ءۇشىن كاسىپقوي رينگتە ءوزىن تۇ­بەگەيلى مويىنداتۋعا تاماشا مۇم­كىندىكتىڭ تۋىندايتىنى انىق.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار