ايماقتار • 19 قاڭتار، 2020

الماتى وبلىسىنداعى «التىن وردا» جولى قاشان اياقتالادى؟

1280 رەتكورسەتىلدى

الماتى وبلىسىنىڭ قاراساي اۋدانىنا قاراستى «التىن وردا» بازارىنىڭ ماڭىنداعى كۇرە جولدىڭ قۇرىلىسى سوزىلىپ بارادى. اۋەلگى جوسپار بويىنشا جول سالۋ 2017 جىلى باستالىپ، 2019 جىلى ءىشىنارا قولدانىسقا بەرىلە باستاۋى ءتيىس ەدى. الايدا، قازىر بۇل تراسساداعى جۇمىستار 68 پروتسەنتكە عانا اتقارىلعان.

«قازاۆتوجول» ۇلتتىق كومپانياسىنىڭ مالىمەتىنشە، الماتى قالاسىنا وڭتۇستىك باعىتتان كىرەتىن كۇرە جولدىڭ قۇرىلىسى بيىل تولىق اياقتالماقشى. جۇمىستىڭ كەشەۋىلدەۋىنە بىرنەشە سەبەپ بولعان ەكەن. باستىسى، بولىنگەن قارجىنىڭ ازدىعى. كومپانيا ماماندارى مۇنى جول قۇرىلىسى جوبالانعان 2016 جىلدان بەرى قۇرىلىس ماتەريالدارىنىڭ ونداعا ن ەسەگە قىمباتتاۋىمەن تۇسىندىرەدى. ماسەلەن، جول توسەۋگە قولدانىلاتىن ارماتۋرا، قيىرشىق تاس، بيتۋم سياقتى قاجەتتى زاتتار مەن جانار-جاعارماي باعاسىنىڭ شارىقتاپ ءوسۋى مەردىگەرلەر جۇمىسىنا كەدەرگى كەلتىرىپ وتىرعان كورىنەدى. ال جول سالۋدىڭ قۇقىن «داۋلەت-دورستروي» سەرىكتەستىگى مەن، «AYTEI GROUP Holding Company» سەرىكتەستىگى ۇتىپ العان بولاتىن. بۇل كومپانيالار بۇگىنگە دەيىن 6،2 ميلليارد تەڭگەقارجىنى يگەرىپتى.

جول قۇرىلىسىنا قول بايلاۋ وتىرعان ەكىنشى ماسەلە – اۋماقتاعى جەر تەلىمدەرىنىڭ جەكەمەنشىككە ساتىلىپ كەتۋىندە جاتىر ەكەن. بازار اۋماعىنان بولەك، جولدىڭ قوس قاپتالىنا ساۋدا –ساتتىق پەن قىزمەت كورسەتۋ ورىندارى ورنالاسقاندىقتان، نىسان قوجايىندارىمەن كەلىسۋ ۇزاققا سوزىلعان. داۋ-دامايى كوپ ءىس سوتقا دەيىن جەتكەن. قازىر اۋماققا ورنالاسقان 2 جانارماي قۇيۋ بەكەتىن كوشىرۋ مۇمكىن بولماي وتىرعان كورىنەدى. ەكى بەكەتتە ءبىر قوجايىنعا، ، «Oilan LTD» جاۋاپكەرشىلىگى شەكتەۋلى سەرىكتەستىگىنە قارايدى. ال قوجايىن مەملەكەت تولەيتىن وتەماقىعا رازى ەمەس. «قازاۆتوجول» ۇلتتىق كومپانياسىنى جەر تەلىمدەرىن 110 ملن تەڭگەگە باعالاپ وتىر. ال جانارماي بەكەتتەرىنىڭ يەسى شىعىن ءۇشىن 225 ملن تەڭگە تالاپ ەتۋدە. ءىس بويىنشا 3 رەت سوت بولسا دا، تاراپتار ورتاق مامىلەگە كەلە الماۋدا.

سوعان قاراماستان بيىل جول قۇرىلىسى اياقتالۋى ءتيىس. كۇن جىلىنعاسىن اقساي وزەنىنە سالىناتىن كوپىر، اسپالى جولدار مەن اۆتوبۋس ايالدامالارىن قۇرۋ سياقتى نەگىزگى مىندەتتەن بولەك اۋماقتى كوگالداندىرۋ جۇمىسى جالعاسادى. جالپى، تراسسانىڭ «التىن وردا» بازارىنان الماتى قالاسىنا كىرەبەرىس قاقپاعا دەيىنگى تۇسىقوس باعىت بويىنشا 10 جولاققا جوسپارلانعان ەكەن. ياعني، ءبىر باعىتتاعى قوزعالىستا اۋىر جۇك كولىكتەرى مەن قوعامدىق كولىكتەر ءۇشىن ارنايى جولاق اشىلىپ، جەڭىل كولىكتەر وتەتىن جول تابانى بولەك بولماقشى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار