ايماقتار • 19 قاڭتار، 2020

الماتى وبلىسىندا جول جوندەۋگە 22،5 ملرد تەڭگە جۇمسالدى

190 رەتكورسەتىلدى

بيىل بۇكىل ەل بويىنشا 9،8 مىڭ شاقىرىم اۆتوكولىك جولى جوندەلەمەك. ونىڭ ىشىندە 2،6 مىڭ شاقىرىم جولدىڭ جوندەۋ جۇمىسى جىل سوڭىنا دەيىن تولىق اياقتالادى دەپ جوسپارلانعان.

ال وسى رەسپۋبليكالىق جانە جەرگىلىكتى جولداردىڭ جاعدايىن جاقسارتۋعا قازىنا قورجىنىنان 750 ملرد تەڭگە شاماسىندا اقشا جۇمسالادى ەكەن. نيەت قىلعان جۇمىستاردىڭ دەنى «نۇرلى جول» باعدارلاماسىنىڭ شەڭبەرىندە جۇزەگە اسپاقشى. 2020-2025 جىلدارعا ارنالعان وسى باعدارلاماعا الماتى وبلىسىنان 18 جوبا كىرىپ وتىر. ونىڭ ىشىندە 5 جوبا بويىنشا قۇرىلىسى باستالاتىن جانە جوندەۋ جالعاساتىن ماڭىزدى جولعا ەرەكشە نازار اۋدارۋ قاجەت. نەگىزگى قۇرىلىس جۇمىستارى قار كوبەسى سوگىلە سەرپىن الاتىن تالدىقورعان – وسكەمەن، كۇرتى – بۋىرىلبايتال، ۇزىناعاش – وتار، قاپشاعاي – كۇرتى، ءۇشارال – دوستىق تراسسالارىندا بيىل دا ەڭبەك كورىگى قىزادى. وسى رەسپۋبليكالىق بيۋدجەتتەن قارجىلاندىراتىن جول قۇرىلىسى جەرگىلىكتى تۇرعىندار ءۇشىن جۇمىس كوزىنە اينالىپ وتىر. دەرەك بويىنشا قازىرگە دەيىن تالدىقورعان – وسكەمەن اۆتوبانىنىڭ قۇرىلىسىنا مىڭنان استام ادام جۇمىلعان. دەنى جەرگىلىكتى جۇمىسشىلار. ال ەل استاناسىنا باستايتىن كۇرتى – بۋىرىلبايتال باعىتىنداعى تراسسا جۇمىسقىنا 816 ادام تارتىلعان.

بيىل وبلىستىڭ ىشكى جولدارىن كۇردەلى جانە اعىمداعى جوندەۋ جۇمىسى جالعاسپاق. 427 شاقىرىم تراسسا قوسىمشا جوندەلەدى. وتكەن جىلى ىشكى جول قۇرىلىسىنا 22،5 ملرد تەڭگە قارجى جۇمسالىپ، 365 شاقىرىم تراسسا تولىق جوندەلگەن ەكەن. ناتيجەسىندە، ايماقتاعى جول ساپاسىن جاقسارىپ، وڭ كورسەتكىش 81 پروتسەنتكە دەيىن ءوسىپتى.

- جول قۇرىلىسىنىڭ جاندانۋى جەرگىلىكتى جەر ءۇشىن ەكونوميكالىق تابىس اكەلەدى. باسقانى ايتپاعاندا، ادامداردى جۇمىسپەن قامتۋعا وڭ اسەر ەتەدى. بىلتىر جول قۇرىلىسىنا ەكى مىڭعا جۋىق جۇمىسشى تارتىلعان. نەگىزگى  ماماندىق يەلەرىنەن باسقاسى جەرگىلىكتى تۇرعىندار. جالپى، جول قۇرىلىسىنا قاجەت مامانداردى ءوزىمىز وقىتىپ، دايىنداۋىمىز كەرەك. اۋىل تۇرعىندارىن سۇرانىسقا يە ماماندىقتار بويىنشا قايتا دايارلاۋعا ءمان بەرىپ وتىرمىز. بۇگىندە بۇل سالاعا دانەكەرلەۋشى، كران جۇرگىزۋشىسى، تراكتورشى، ماشينيست سياقتى ماماندار وتە قاجەت ەكەن. تۇرعىنداردى وقىتۋعا، ۇيرەتۋگە قارجى ءبولىپ، جاعداي جاسادىق، دەيدى الماتى وبلىسىنىڭ اكىمى اماندىق باتالوۆ.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار