تەحنولوگيا • 17 قاڭتار، 2020

بىرىڭعاي قۋاتتاعىش شىعارۋدى مىندەتتەمەك

29 رەتكورسەتىلدى

ەۋروپارلامەنت بۇكىل ۇيالى تەلەفون وندىرۋشىلەردى بىرىڭعاي قۋاتتاعىش شىعارۋعا مىندەتتەمەك. بۇعان بۇكىل سمارتفوندار، پلانشەتتەر مەن ەلەكتروندى كىتاپ وقيتىن قۇرىلعىنىڭ ءبارى كىرەدى. قازىرگى تاڭدا ءار كومپانيا ءتۇرلى قۋاتتاعىش شىعاراتىنى بەلگىلى.

زاڭ جوباسىن ۇسىنۋشى­لاردىڭ ايتۋىنشا، مۇنداي قادامعا بارۋعا ەلەكتروندى قۇرىلعىلاردان قالاتىن قوقىس اسەر ەتىپ وتىر. «قۋات­تاعىشتاردىڭ ءارتۇرلى بولۋى قولدانۋ ءۇشىن عانا ءتيىمسىز ەمەس. جىل سايىن ەلەكتروندى قۇرىلعى قوقىسىن 51 000 تونناعا ارتتىرىپ وتىر. بۇل – وتە كوپ»، دەيدى ەۋروپا پار­لا­مەنتىنىڭ مۇشەسى حيلدە ۆاۋتمانس.

ەۋروپارلامەنتتىڭ تاعى ءبىر دەپۋتاتى پەترا دە سيۋتتەر­دىڭ سوزىنە قاراعاندا، بۇكىل تەلە­فون­عا ورتاق قۋاتتاعىشتىڭ بول­ماۋىنىڭ باستى سەبەبى – الپاۋىت كومپانيالاردىڭ لوببي جاساۋىندا جاتىر. ماسە­لەن، Apple كومپانياسى نارىق­تاعى ءوز جۇيەسىن ۇستاپ قالۋدى كوزدەيدى.

«قارت قۇرلىقتا» مۇنداي جوبا العاش رەت ۇسىنىلىپ وتىرعان جوق. 2009 جىلى ەۋرو­پالىق كوميسسيا ەلەكتروندى قۇرىلعى وندىرۋشىلەرمەن كەلىسىپ، بىرىڭعاي قۋاتتا­عىش شىعارۋعا كەلىسكەن بول­ا­­­تىن. ءتىپتى كەز كەلگەن كەلىسىمگە كونە قويمايتىن Apple كومپا­نيا­سى دا مۇنداي تالاپقا كو­نىپ، ەۋروپالىق وداقتا قول­دا­نى­لاتىن ارنايى قۋات­تاعىش شى­عارعان-تۇعىن.

الايدا، بۇل باستاما ەرىكتى تۇر­دە جۇرگەندىكتەن، 2014 جى­لى ونىڭ مەرزىمى اياقتالدى. ءسوي­­تىپ ەلەكت­روندى قۇرىلعى ون­­دىرۋشىلەر قاي­تادان بۇرىنعى انىنە باسقان-دى.

جالپى، بىرىڭعاي قۋات­تا­عىش شىعارۋ ەڭ اۋەلى Apple كوم­پانياسىنا اسەر ەتپەك. ويت­كەنى Huawei، Samsung سەكىلدى تەلەفون نارىعىنداعى ۇلكەن كومپانيالار USB-C قۋاتتاعى­شىن قولدانادى. Apple سەكىلدى كەيبىر وندىرۋشىلەر عانا قۇ­رىل­عى­لارىن دەربەس قۋات­تاعىش تۇرىنە بەيىمدەگەن.

2018 جىلى ەۋروپالىق پار­­­لا­مەنت قايتادان باستاما كوتەرىپ، ەلەكت­روندى قۇرىلعى نا­رى­عى­نا قاتىسى باردىڭ ءبارىن ۇنقوسۋ­عا شاقىردى. كوپ ۇزاماي Apple وسىعان بايلانىستى ارنايى مالىمدەمە جاساعان-دى. كوم­­پانيانىڭ سوزىنە سۇيەنسەك، مۇن­داي تالاپ تەلەفون قۋاتتا­عى­شىن شىعارۋشىلاردىڭ جۇمى­سى­نا كەدەرگى كەلتىرەدى. ويت­كەنى ولار ىزدەنىپ، جاڭاشا ءادىس ۇسىنۋ­دىڭ ورنىنا ءبىر ورىندا تۇراقتاپ قالماق.

سونداي-اق Apple ەكولوگيا­لىق تازا قۋاتتاعىش شىعارۋدى قولعا العانىن دا العا تارت­­تى. قازىرگى تاڭدا 1 ميللياردقا جۋىق وسىنداي ءونىم ساۋداعا شى­عارىلىپ ۇلگەرىپتى. دەگەنمەن كومپانيا ساقتىق رەتىندە كەي­بىر ونىمدەرىن USB-C تۇرىنە اۋىستىرا باستادى.

ەۋروپا پارلامەنتىندەگى بۇكىل سايا­سي توپتار دا بۇل جوبانى قول­­داپ وتىر. وسىعان بايلانىس­تى قارار اقپاندا داۋىس بەرۋگە ۇسى­­نى­ل­ماق. قىسقا­سى، الدا-جا­لدا ەۋ­رو­پالىق پارلامەنت Apple سە­كىل­دى كومپ­ا­نيا­لاردى بىرىڭ­عاي قۋات­­­­تا­عىش شىعارۋعا مىن­دەت­تە­سە، مۇ­­نىڭ بۇكىل الەمگە اسەر ەتە­تى­نىن بول­­جاۋ قيىن ەمەس. ويت­كەنى ءتۇرلى نا­رىققا ارناپ بىر­نەشە قۋات­تاعىش شىعارعاننان، ءبىر ءتۇرىن عانا وندىرگەن ءتيىمدى بولاتىنى تۇسىنىكتى.

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار