الدىمەن اۋىل شارۋاشىلىعى باسقارماسىنىڭ باستىعى ەربولات بەكشەنوۆتىڭ, يندۋستريالىق-يننوۆاتسيالىق دامۋ باسقارماسىنىڭ باستىعى ارمان ورازعۇلوۆتىڭ, قۇرىلىس, ساۋلەت جانە قالا قۇرىلىسى باسقارماسىنىڭ باستىعى سەرiك مۇحامەديەۆتىڭ جانە تاعى باسقالارىنىڭ باياندامالارى تىڭدالدى. وندا ايتىلعانداي, بيىل وندىرىسكە وتاندىق جانە شەتەلدىك 226,3 ملرد تەڭگە كاپيتال قۇيىلىپ, سونىڭ ناتيجەسىندە 34 جوبا ىسكە اسىرىلماق. بۇل جاڭادان 3000 جۇمىس ورنىن اشۋعا جول اشادى.
اگروونەركاسىپ سالاسىنا بىلتىر سالىنعان جانە جاڭا جىلدا جالعاساتىن ينۆەستياتسيا مەن ىسكە اسىرىلاتىن جوبالار تۋرالى ايتىلدى. «جالپى, بۇل سالا بويىنشا 2020 جىلى ءبىز 13 ءىرى ينۆەستيتسيالىق جوبانى ىسكە اسىرۋدى جوسپارلاپ وتىرمىز. وعان 22,8 ملرد تەڭگە سالىنىپ, جاڭادان 300 جۇمىس ورنىن اشۋ جوسپارلانعان», دەدى ءتيىستى باسقارما باسشىسى ە.بەكشەنوۆ. ونىڭ ايتۋىنا قاراعاندا, وبلىس ازىق-ت ۇلىك قاۋىپسىزدىگىن قامتاماسىز ەتۋدىڭ ءبىر امالى رەتىندە تاۋارلى-ءسۇت فەرمالارىن كوپتەپ قۇرۋعا نازار اۋدارىپ وتىر. ماسەلەن, بىلتىر «قىزىلجار-ءسۇت» جشس ءسۇت وندىرۋگە 2,1 ملرد تەڭگە قۇيىلىپ, 720 ورىندىق كەشەن سالىنعان. الدىمىزداعى كوكتەمدە 1,8 ملرد تەڭگەگە اۆستريادان 360 باس ءسۇتتى سيىر جەتكىزىلەدى, ءسويتىپ جاڭادان 35 جۇمىس ورنى اشىلادى.
جالپى, ءسۇت فەرماسىن اشۋدى كوزدەپ وتىرعان شارۋالار بارشىلىق. ايتالىق عابيت مۇسىرەپوۆ اۋدانىنداعى «ۆوزۆىشەنكا سك» 600 ورىندىق ءسۇت كەشەنىن سالۋدى قولعا العان. ا.نۋكاەۆ باسشىلىق ەتەتىن بۇل سەرىكتەستىك جوباعا 1,2 ملرد تەڭگە قۇيۋعا دايىن. سونداي-اق ا.ساپاروۆ باسقاراتىن «نوعايباي» جشس دا وسىنداي جوبانى جۇزەگە اسىرىپ جاتىر.
اسىل تۇقىمدى مال باسىن كوبەيتۋ ءىسى دە نازاردان تىس قالمايدى. ماسەلەن, اقجار اۋدانىنداعى ت.ارعىنباەۆ باسقاراتىن «بەرەكە-اقجار» جشس 2500 باس بۇقا وسىرمەك, سونىمەن قاتار 3000 باس مال سەمىرتۋ الاڭىن سالىپ جاتىر. بۇل جۇمىسقا «بەرەكە – اقجار» بارلىعى 2,5 ملرد تەڭگە قاراجات جۇمسالماق. سەرىكتەستىك قازىردىڭ وزىندە مال ساتىپ الۋ ءۇشىن اۆستريانىڭ فيرماسىمەن كەلىسىمشارت جاساپ قويعان.
وسىنداي مال سەمىرتۋ الاڭدارىن «ەلەتسكوە» جشس, «جەرقۋار» اگروفيرماسى, «استىق ساتۋ كومپانياسى» جشس قولعا الىپ وتىر. ارقايسىسى بۇل ىسكە 2-3 ملرد تەڭگەدەن اقشا قۇيادى. قۇس ەتىن ءوندىرۋ بويىنشا «ياكورسكايا پتيتسەفابريكا» جشس ءوندىرىستى دامىتۋعا 0,6 ملرد تەڭگە قۇيىپ, قۇس سانىن قوسىمشا 75 مىڭعا ارتتىرماق, بۇل جۇمىرتقا ءوندىرۋ كولەمىن تاۋلىگىنە 100-دەن 150 ملن داناعا دەيىن ۇلعايتۋعا مۇمكىندىك بەرەدى.
ەت-ءسۇت ونىمدەرىن شىعارۋ بويىنشا الداعى جىلى «ماسلو-دەل» جشس اتتى ءىرى فيرما وندىرىسكە 4,2 ملرد تەڭگە قۇيىپ, جىلدىق قۋاتى 32 مىڭ توننا ءونىم شىعارۋدى جوسپارلاپ وتىر. سونداي-اق شۆەيتساريانىڭ ەكسويل گرۋپپ ماي شىعارۋ زاۋىتىمەن بىرلەسكەن جاڭا كاسىپورىن سالۋ بويىنشا كەلىسسوزدەر جۇرگىزىلۋدە.
وبلىس ورتالىعىندا كوپتەن بەرى بوس تۇرعان جەردە بىلتىر «Dostyk Mall» ساۋدا ورتالىعى اشىلىپ, وعان مەملەكەت پەن جەكەمەنشىك كاپيتال بىرلەسىپ 5,4 ملرد تەڭگە ينۆەستيتسيا قۇيعانىن ايتا كەتەيىك. قازىر ساۋدا ورتالىعى شاھاردىڭ دا ءسانىن ارتتىرىپ تۇر.
ال ايىرتاۋ اۋدانىندا وتاندىق ينۆەستور «Energo Trust» جشس جەلدەن قۋات الاتىن پارك سالۋدى جوسپارلاپ وتىر. جالپى وبلىستا بارلىعى 25 جەل گەنەراتورى ورناتىلادى دەپ كۇتىلۋدە. ەگەر ولاردىڭ ءبارى ورناتىلسا, 50 مەگاۆاتت ەلەكتر قۋاتى وندىرىلمەك.
«بۇل جوبالار ءوڭىر ەكونوميكاسىنا تىڭ سەرپىن بەرەدى. ءبىزدىڭ ماقساتىمىز – ەكونوميكانى اگرارلى-يندۋستريالى ەتۋ. جاڭا كاسىپورىندار اشىپ, ءوندىرىس كولەمىن ۇلعايتۋ كەرەك», دەدى قۇمار اقساقالوۆ.
سولتۇستىك قازاقستان وبلىسى
