جاڭا فورمات بويىنشا ااك مولشەرى بۇرىنعىداي وتباسىنىڭ جان باسىنا شاققانداعى ورتاشا كىرىسى مەن وتباسىنىڭ ءار مۇشەسى ءۇشىن ءومىر ءسۇرۋ قۇنىنىڭ 70 پايىزى اراسىنداعى ايىرماشىلىقتى قۇرايدى. 2020 جىلدىڭ ءى توقسانىنداعى ەڭ تومەنگى كۇنكورىس دەڭگەيى 34 654 تەڭگە, كەدەيلىك شەگى – 24 258 تەڭگە.
«مەملەكەت باسشىسىنىڭ تاپسىرماسىن ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەك تەتىگىن قاراستىرىپ, كەشەندى شارالار ازىرلەدى. بيىلدان باستاپ ااك-كە جاڭا فورمات ەنگىزىلدى. 2020 جىلدىڭ 1 قاڭتارىنان باستاپ 4 جانە ودان دا كوپ بالاسى بار وتباسىلارعا مەملەكەتتىك جاڭا جاردەماقى قاراستىرىلدى. كوپبالالى وتباسىلار جاردەماقى تاعايىندالاتىن ارنايى توپقا ەنگىزىلدى. قازىرگى ۋاقىتتا جاردەماقىلار نۇر-سۇلتان قالاسىندا تاعايىندالىپ, تولەندى. ال سۇراقتارى بار وتباسىلار 1411 ءنومىرى بويىنشا كولل-ورتالىققا حابارلاسا الادى» دەدى نۇر-سۇلتان قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا.
مەملەكەتتىك جاردەماقىعا ءوتىنىش بەرىلگەن كۇنىنە قاراماستان تولىق ءبىر ايعا تاعايىندالادى. ياعني ءوتىنىش 20 قاڭتار كۇنى تۇسسە, ايدىڭ سوڭعى كۇندەرىنە قاراماستان تولەم تولىق ءبىر ايعا تولەنەدى. ااك تاعايىنداۋ ءۇشىن ءوتىنىش پەن جەكە كۋالىك قاجەت. بۇعان قوسا, تۇرعىلىقتى جەرى بويىنشا كەمىندە 6 اي تۇراقتى نەمەسە ۋاقىتشا تىركەۋدەن ءوتۋ كەرەك.
«ااك مۇقتاج وتباسىلارعا مىندەتتى تۇردە تاعايىندالادى. ولاردىڭ وتباسىنداعى جۇمىسقا قابىلەتتى مۇشەسى بولسا قالالىق جۇمىسپەن قامتۋ ورتالىعى ارقىلى كومەك قولىن سوزۋعا دايىن. قازىرگى ۋاقىتتا جۇمىس بەرۋشىلەر اراسىندا ۋاقىتى ىڭعايلى 476 ۆاكانسيا بار» دەدى ول.
باسقارما باسشىسىنىڭ ايتۋىنشا, ارنايى ۋچاسكەلىك توپ ااك-كە قۇجات تاپسىرعان وتباسىنىڭ ماتەريالدىق جاعدايىن تەكسەرۋدەن وتكىزەدى.
ء«بىر ۇيدەن ارتىق باسپاناسى بولماۋى كەرەك. باسپاناسى ءار ادامعا 18 شارشى مەتردەن اسپاۋى قاجەت. تابىس تابۋعا ارنالعان بولمەلەرى, جەر تەلىمى بولماۋى كەرەك. ااك الۋ ءۇشىن ءبىر عانا اۆتوكولىگى بولۋى كەرەك» دەپ ءسوزىن جالعادى ساۋلە نۇرعوجينا.
جيىن بارىسىندا ەلوردادا 15 مىڭعا جۋىق كوپبالالى وتباسى جاردەماقى الاتىنى بەلگىلى بولدى.
جاردەماقى وتباسىنداعى بالالار سانىنا قاراي سارالانعان مولشەردەگى كىرىستەرگە قاراماستان تولەنەدى. 4 بالا – 42 496 تەڭگە, 5 بالا – 53 127 تەڭگە, 6 بالا – 63 757 تەڭگە, 7 جانە ودان دا كوپ بالا – 74 388 تەڭگە. كوپبالالى وتباسىلارعا مەملەكەتتىك جاردەماقى تاعايىنداۋ ءۇشىن قۇجاتتار ەسىل, سارىارقا, بايقوڭىر جانە الماتى اۋداندارىنىڭ حقكو-لارىندا قابىلدانادى.
سونداي-اق جاڭا جىلدان باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ باستالدى.
ءمامس نەگىزگى ارتىقشىلىعى – ەمحانانى, دارىگەردى ەركىن تاڭداۋ جانە ساقتاندىرۋ بويىنشا جەكە كلينيكاعا تىركەلۋ مۇمكىندىگى. وسى جۇيەنىڭ كومەگىمەن تۇرعىندار قىمبات دياگنوستيكالىق جانە زەرتحانالىق زەرتتەۋلەردى تەگىن الا الادى.
قازىرگى ۋاقىتتا ەلوردادا 32 مەديتسينالىق ۇيىم جۇمىس ىستەيدى, ونىڭ ىشىندە 15 باستاپقى مەديتسينالىق-سانيتارلىق كومەك ۇيىمى, 12 ستاتسيونار, 1 قالالىق جەدەل مەديتسينالىق كومەك ستانتسياسى, 1 مەديتسينالىق كوللەدج, 1 ارنايى مەديتسينالىق جابدىقتاۋ بازاسى, 1 بالا ءۇيى, 1 پاتولوگواناتوميالىق بيۋرو.
بۇدان باسقا, 15 جەكە مەنشىك مەديتسينالىق ۇيىم العاشقى مەديتسينالىق-سانيتارلىق كومەك كورسەتۋ ءۇشىن مەملەكەتتىك تاپسىرىس الدى.
ءمامس جۇيەسى بارلىق ازاماتتار ءۇشىن مىندەتتى ەكەنىن ەسكەرۋ ماڭىزدى. 1 ساۋىرگە دەيىن قازاقستاندىقتار ءوز مارتەبەسىن انىقتاۋى ءتيىس. تەگىن مەديتسينالىق كومەك مەملەكەت تولەيتىن 15 ساناتتاعى تۇلعالارعا قاراستىرىلعان.
