پارلامەنت • 14 قاڭتار، 2020

دەپۋتاتتار اقتاۋداعى اۋىز سۋ تاپشىلىعىن جويۋ قاجەتتىگىن اتاپ ءوتتى

36 رەتكورسەتىلدى

پارلامەنت سەناتىنىڭ دەپۋتاتتارى ميحايل بورتنيك پەن باقتىباي شەلپەكوۆ ماڭعىستاۋ وڭىرىنە جۇمىس ساپارى اياسىندا اقتاۋ تەڭىز پورتى ارنايى ەكونوميكالىق ايماعىندا بولدى. ارنايى ەكونوميكالىق ايماقتىڭ باسشىلىعىمەن كەزدەسۋ بارىسىندا اەا قىزمەتىنىڭ ناتيجەلەرى مەن ونىڭ دامۋ كەلەشەگى تالقىلاندى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

سەناتورلار ارنايى ەكونوميكالىق ايماققا قاتىسۋشى كاسىپورىنداردا: «اقتاۋ تەڭىز پورتىندا»، جىلىنا 160 مىڭ توننا اسفالتبەتون وندىرەتىن «كاسپي تاس جول» قيىرشىق تاس-ماستيكالىق زاۋىتتا جانە گاز-گەرمەتيكالىق قوسىلىسى بار قۋاتى جىلىنا 45 مىڭ توننا قۇبىر جاسالاتىن «قازاقستان پايپ ترەدەرس» قۇبىر كەسۋ زاۋىتىندا بولدى.

تالقىلاۋ بارىسىندا سالىنعان 1 تەڭگە بيۋدجەتتىك ينۆەستيتسياعا 19،1 تەڭگە جەكە ينۆەستيتسيالار تارتىلعانى، سونداي-اق 4 تەڭگە سالىق اۋدارىمدارى تولەنگەنى اتاپ ءوتىلدى. سونىمەن قاتار پروبلەمالىق ماسەلەلەر ايتىلدى، ونىڭ ىشىندە جاڭا الەۋەتتى ينۆەستورلاردى تارتۋ ءۇشىن اەا قىزمەتىنىڭ باسىم باعىتىن اۋىستىرۋ، ارنايى ايماقتىڭ ينفراقۇرىلىمىن سالۋدى رەسپۋبليكالىق بيۋدجەتتەن قارجىلاندىرۋدى جالعاستىرۋ مۇمكىندىگىن قاراستىرۋ، سونداي-اق سالىق زاڭناماسىنىڭ كەيبىر ماسەلەلەرى قارالدى.

دەپۋتاتتار وڭىرلەردىڭ ەكونوميكاسى مەن شاعىن جانە ورتا بيزنەستى دامىتۋدى مەملەكەتتىك قولداۋ شارالارى تۋرالى حاباردار ەتتى، ونىڭ ىشىندە 2019 جىلعى ناۋرىزدا قابىلدانعان «ارنايى ەكونوميكالىق جانە يندۋستريالىق ايماقتار تۋرالى» زاڭنىڭ نەگىزگى ەرەجەلەرى ەگجەي-تەگجەيلى ءتۇسىندىرىلدى.

1

سەناتورلار سونداي-اق اقتاۋ قالاسىنداعى ءا.كەكىلباەۆ اتىنداعى ماڭعىستاۋ وبلىستىق تاريحي-ولكەتانۋ مۇراجايىنىڭ ۇجىمىمەن دە كەزدەستى. وڭىردەگى مۇراجاي ءىسىن قولداۋ، جاس مامانداردى دايارلاۋ، مۇراجايعا كەلۋشىلەردى كوبىرەك تارتۋ ءۇشىن قازىرگى زامانعى ءادىس-تاسىلدەردى ەنگىزۋ ماسەلەلەرى جان-جاقتى تالقىلاندى.

دەپۋتاتتار سونىمەن قاتار قۋاتتىلىعى تاۋلىگىنە 25 مىڭ تەكشە مەتر بولاتىن «كاسپي تۇششىتۋ زاۋىتى» سەرىكتەستىگىندە دە بولدى. تالقىلاۋ بارىسىندا اۋىز سۋ ءوندىرۋدى تاۋلىگىنە 40 مىڭ تەكشە مەترگە دەيىن ارتتىرۋ ماسەلەلەرى قوزعالدى. سەناتورلار 2025 جىلعا قاراي تاۋلىگىنە 95 مىڭ تەكشە مەتردەن استام اۋىز سۋ تاپشىلىعىن جويۋ قاجەتتىگىن اتاپ ءوتتى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار