سونىڭ ىشىندە قازاق ءتىلىنىڭ ازىپ بارا جاتقانى, قازاقشا وقىتاتىن مەكتەپتەردىڭ وزىندە بالالاردىڭ تەك ورىسشا سويلەيتىندىگى, مەكتەپ باسشىلىعىنىڭ انا تىلىندە سويلەۋدى تالاپ ەتپەيتىنى - اتا-انالار مەن ءتىل جاناشىرلارى تاراپىنان نارازىلىق وتىن تۋدىردى. ءسوزدىڭ قورىتىندىسىندا جينالعاندار ء«تىل تۋرالى» زاڭدى قاتايتىپ, ونى پرەزيدەنت ق.توقاەۆ تالاپ ەتكەن «ەتنوسارالىق قاتىناس ءتىلى» دەڭگەيىنە جەتكىزۋ قاجەتتىگى ايتىلدى.
ءتىل جاناشىرلارىن تەك مەملەكەتتىك ءتىلدى دامىتۋ باسقارماسىنىڭ باستىعى كەمەل وسپانوۆ جاريالاعان كەيبىر اقپاراتتار عانا ساباسىنا ءتۇسىرىپ, ريزاشىلىقتارعا بولەدى. سونىڭ ىشىندە كەمەل قاراشا ۇلى قالاداعى ونەر كوللەدجىنە اتاقتى جەرلەسىمىز ەرمەك سەركەباەۆتىڭ ەسىمى بەرىلەتىن بولدى دەگەن اقپاراتقا جينالعانداردىڭ ءبارى سەرپىلىپ قالدى. الايدا بۇل ءالى تۇپكىلىكتى شەشىلمەگەن ماسەلە ەكەن, ازىرگە ول ءبىلىم مەن عىلىم, مادەنيەت جانە ادىلەت مينيسترلىگى قولداپتى. ەندى قالعان بيۋروكراتيالىق كەدەرگىلەردەن ءوتۋى كەرەك ەكەن. سونشا قيىنداتىپ, ەشقانداي قاتىسى جوق مينيسترلىكتەر مەن ۆەدومستۆولاردىڭ كەلىسىمىن الۋدىڭ كەرەگى جوق ەدى دەگەن ءسوزدى شەنەۋنىكتىڭ ءوزى دە ايتىپ قالدى.
سونىمەن بىرگە بيىل سولتۇستىك قازاقستاننىڭ اۋىل-سەلولارىندا 276 كوشەنىڭ اتتارى وزگەرتىلەتىن بولىپتى. بۇلار كەشەگى «كۇن كوسەمدەر» مەن ولاردىڭ ايەلدەرى مەن جاندايشاپتارىنىڭ اتىمەن اتالعان كوشەلەر. سولاردىڭ ءبارى ەندى عانا وزگەرتىلىپ, دۇرىس جولعا سالىنا باستاعان ەكەن.
