جاننا الماحانقىزى جەر شارىنىڭ ءبىر قيىرىنداعى قالادا ء«ا» دەگەننەن ءوز ماماندىعىنا سايكەس لايىقتى قىزمەت تاپپاعان. الايدا, كەشكىلىك ءدارىس ساباعىنا قاتىسا ءجۇرىپ, اعىلشىن ءتىلىنىڭ تولىققاندى مۇعالىمى ماماندىعىن مەڭگەرىپ الىپتى. بۇگىندە سيدنەيدەگى اعىلشىن ورتالىعىندا اعىلشىن تىلىنەن ساباق بەرەدى. نەگىزگى كاسىبى سۋرەتشىلىكتەن دە قول ۇزبەگەن. قالا اكىمشىلىگىنىڭ 2015 جىلعى ۇيىمداستىرعان مۋرال سالۋ بايقاۋىنا قاتىستى, ودان تاياۋدا سول بايقاۋدىڭ قورىتىندىسىنا ساي جەڭىمپاز اتانىپ, جۇلدە الدى. قالا باسشىلىعى قازاق قىزىنىڭ جوباعا ىلىككەن تاڭداۋلى سۋرەتتەرىن جارىققا شىعارۋعا رۇحسات بەرىپتى. ول – ج.باتىرقۇلوۆانىڭ «ۆەلوسيپەدشى» («Cۋclist») مۋرالى. قازىر اۋستراليا استاناسىنداعى باعدارشامنىڭ كوپتەگەن جەلىلىك ۇيشىكتەرى جاننا الماحانقىزىنىڭ «ۆەلوسيپەدشىسىمەن» كوركەمدەلگەن.
– سيدنەيدە الماتىداعى سەكىلدى كوپقاباتتى ۇيلەرگە ەركىن تۇردە مۋرال سالۋعا رۇقسات جوق. دەگەنمەن سول بايقاۋدان سوڭ ارنايى كوميسسيانىڭ شەشىمىنە وراي مەن ءبىر قاباتتى ۇلكەن كەڭسەنىڭ قابىرعاسىنا «جاز» اتتى شىعارمامدى سالۋعا كەلىسىم الدىم, – دەيدى ول.
الماتىدا قاقاعان قىس, سيدنەيدە ناعىز جاز ورتاسى. تەرمومەتر شاكىلى +38 گرادۋستان تومەن تۇسەر ەمەس. وعان سامبەرا ايماعى جاعىنداعى الاپات ءورتتىڭ ىستىق لەبى ۇرىپ تۇرعانى جانە بار. سوعان قاراماستان ج.باتىرقۇلوۆا كۇنى كەشە قابىرعاداعى شىعارماسىن ويداعىداي جازىپ ءبىتتى.
ول ءوزى تۋىپ-وسكەن الماتىدا وتكەن جىلى جاز ورتاسىندا «MURAL FEST» بايقاۋىنىڭ باستالعانىن, بيىل وعان فرانتسيا مەن گەرمانيادان, يسپانيادان, پورتۋگاليادان, فيليپپين مەن گونكونگتان ستريت-ارت سۋرەتشىلەردىڭ كەلەتىنىن بىلەدى. ارينە ينتەرنەت ارقىلى حاباردار. ارمانى – الاقانىن ىسقالاپ سول بايقاۋعا قاتىسۋ. امال نەشىك – جول الىس, قول قىسقا.
– قالا اكىمدىگى تاعى بىرنەشە اۆتورلىق مۋرالىمدى ءتيىستى نىساندارعا سالۋعا رۇقسات ەتسە, الماتىما قۇستاي ۇشىپ باراتىن كۇن الىس ەمەس, – دەيدى سيدنەيدە تۇراتىن قازاق قىزى.
الماتى
سۋرەت جاننا باتىرقۇلوۆانىڭ جەكە جەلى پاراقشاسىنان الىندى
