«نيۆادا» وتىرعان بۋلاەۆ قالاسىنىڭ 1991, 1993 جانە 1995 جىلى تۋعان ءۇش تۇرعىنى بولىپ شىقتى. ولاردان توز-34 ەر ماركالى تەگىس ۇڭعىلى مىلتىق پەن 12 كاليبرلى وق-دارىلەرى بار وقشانتاي الىندى. جۇكسالعىشتان 2 ەلىكتىڭ مۇشەلەنگەن ەتى تابىلدى.
وسى فاكتى بويىنشا قك 337-بابىنىڭ 3-بولىگى «زاڭسىز اڭشىلىق» بويىنشا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. اۆتوكولىك, مۇشەلەنگەن ەت, قارۋ مەن وق-دارىلەر تاركىلەندى. كۇدىكتىلەرگە قاتىستى بۇلتارتپاۋ شاراسى قولدانىلدى.
«بۇل اعىمداعى جىلى تىركەلگەن زاڭسىز اڭ اۋلاۋدىڭ ەكىنشى فاكتىسى, - دەپ حابارلادى سقو پد جەرگىلىكتى پوليتسيا قىزمەتى باسقارماسى تابيعاتتى قورعاۋ پوليتسياسى باستىعىنىڭ مىندەتىن اتقارۋشى, پوليتسيا كاپيتانى اسحات قوجاباەۆ. – رەيدتىك ءىس-شارالار تۇراقتى وتكىزىلەدى. تابيعاتتى پايدالانۋ قاعيدالارىن بۇزۋدىڭ بارلىق تۇرلەرى – پوليتسيانىڭ نازارىندا. تەك 6 قاڭتاردان باستاپ وبلىستا اڭ اۋلاۋ قاعيدالارىن بۇزعانى ءۇشىن – 26, بالىق اۋلاۋ قاعيدالارىن بۇزعانى ءۇشىن – 10 ادام اكىمشىلىك جاۋاپكەرشىلىككە تارتىلدى. سونداي-اق, قارۋدى زاڭسىز ساقتاۋدىڭ – 3, قارۋدى ساقتاۋ قاعيدالارىن بۇزۋدىڭ – 1 فاكتىسى انىقتالدى».
سونىمەن بىرگە پوليتسيا قىزمەتى 1 قاڭتاردان باستاپ وبلىستا بورسىق, تۇياقتى جانۋارلاردان بۇلان, قابان, مارال, ءسىبىر ەلىگىن اۋلاۋعا تىيىم سالىنعانىن ەسكەرتەدى. 15 اقپانعا دەيىن تەك قاسقىر, تۇلكى, قارساق, قويان, جانات تەكتەس يت پەن ونداتردى اۋلاۋعا عانا رۇقسات بەرىلگەن.
سولتۇستىك قازاقستان وبلىسى
