قۇتىرعان توپ جەرگىلىكتى پوليتسيا قىزمەتكەرلەرىنىڭ كۇشىمەن عانا قۇرىقتالىپ, تۇرعىنداردىڭ مازاسىن الۋىن توقتاتقان. ەندى ولاردىڭ ۇستىنەن اكىمشىلىك قۇقىق بۇزۋشىلىق تۋرالى كودەكستىڭ 434-بابىنداعى «ۇساق بۇزاقىلىق» جانە 593-باپتىڭ 2-بولىگىندەگى «جول ءجۇرiسi قاعيدالارىندا كوزدەلگەن جولاۋشىلاردى جانە جۇكتەردi تاسىمالداۋ» جانە «جول قوزعالىسى ەرەجەلەرىنىڭ باسقا دا ورەسكەل بۇزۋشىلىقتارى» بويىنشا جاۋاپقا تارتىلىپ, قوزعالعان ءىس سوتقا جىبەرىلدى.
ەسىرگەننەن قۇتىرعان جامان دەگەننىڭ ءبىر كورىنىسى وسىنداي-اق بولار.
قۇتىرعانداردىڭ ءبىرى رەسەي فەدەراتسياسىنىڭ ازاماتى كورىنەدى. ءوزىمىزدىڭ جاستاردىڭ كەز كەلگەن قىلىعىنا قوقاڭداپ, تولىپ جۇرەتىن پوليتسيا قىزمەتكەرلەرى ولاردىڭ بۇل ءىسىن نەگە دەر كەزىندە تىيا الماعانىنا تاڭعالاسىڭ.
ايتا كەتەتىن جايت, بىلتىر وبلىس جولدارىندا 30 ادام قايتىس بولعان. بار-جوعى بەس ءجۇز مىڭنان ءسال ارتىق حالقى بار وبلىس ءۇشىن وتە كوپ. بۇل دا سول, ەسىرگەن جۇرگىزۋشىلەردى ءوز ۋاقىتىندا قۇرىقتاپ, قۇتىرۋىنا جول بەرە الماعاندىقتىڭ سالدارى ەكەندىگى ءسوزسىز. سوندىقتان قىزىلجار ءوڭىرىنىڭ پوليتسيا قىزمەتكەرلەرىنە ءتارتىپ قىراعىلىعىن جانداندىرا ءتۇسۋ كەرەكتىگى كوزگە ۇرىپ تۇر.
پەتروپاۆل
