قازاقستان • 07 قاڭتار، 2020

اقتوبەلىك حوككەيشىلەر قار قۇرساۋىنان قۇتقارىلدى

255 رەتكورسەتىلدى

سولتۇستىك قازاقستان وبلىسىنىڭ باتىس شەكاراسىن باسىپ، اقتوبە وبلىسىنىڭ حوككەي كومانداسىن الىپ بارا جاتقان «Neoplan» اتتى اۆتوبۋس «تيميريازەۆ-سارىكول» تاس جولىنىڭ 18 شاقىرىمىندا بيىك جولدان تايىپ كەتىپ، 6 ساعات بويى قار قۇرساۋىندا قالعان. اۆتوبۋستا كوماندانىڭ بارلىق 28 حوككەيشىءسى بولعان.جۇرگىزۋشى بيىك قار اتجالدارىنان اينالىپ وتپەك بولعاندا جولدان ءتۇسىپ كەتكەن ەكەن.

پوليتسيانىڭ كەزەكشى بولىمىنە تۇسكەن دابىلدان وقيعا ورنىنا «قازاۆتوجول» ۇك اق 2 ارنايى تەحنيكاسى، اۋداندىق پوليتسيا ءبولىمىنىڭ اعا ينسپەكتورى، پوليتسيا اعا لەيتەنانتى داۋلەت ساۋىت سۋىت جەتەدى. كوپ ۇزاماي ولارعا توتەنشە جاعدايلار قىزمەتكەرلەرى مەن اۋدان اكىمىنىڭ ورىنباسارى ازامات ىسقاقوۆ جانە ت.ب. قوسىلادى.

جولدى جاۋىپ قالعان قالىڭ قاردان اۆتوبۋسقا جەتۋ ءۇشىن بىرنەشە ساعات  كەتەدى. الايدا حوككەيشىلەر وتىرعان اۆتوبۋس وت الىپ تۇرعاندىقتان پەشى جاقسى ىستەپ، سالوندا ۇزاق ۋاقىت بولسا دا جولاۋشىلار سۋىققا شالدىقپاعان.  اۋداندىق پوليتسيا ءبولىمىنىڭ كەزەكشى ءبولىمى دە جۇرگىزۋشىمەن بايلانىستى توقتاتپاعان.

تاڭەرتەڭنەن كۇندىزگى ساعات 12-گە دەيىن تۇرعان اۆتوبۋسقا قار تازالاۋشى تەحنيكا زورعا جەتىپ، اقتوبەلىك سپورتشىلار قار قۇرساۋىنان امان-ەسەن قۇتقارىلدى. الدىمەن ولار اۋدان ورتالىعى تيميريازەۆو سەلوسىنا جەتكىزىلءىپ، تاماقتاندىرىلدى. وسىدان كەيىن ولار پەتروپاۆل قالاسىنا اتتانادى. قۇتقارۋ جۇمىستارىندا نەگىزگى بەلسەندىلىك پوليتسيا قىزمەتىنىڭ تاراپىنان بولعانىن اتاپ ءوتۋ كەرەك.

سوڭعى جاڭالىقتار

ۇقساس جاڭالىقتار