1970 جىلدارى «يۋجنىي» قوناق ءۇيى بولعان عيمارات قايتا جوندەلىپ, جاڭا ساۋلەتتىك كەلبەتپەن قايتا قۇرىلدى. بۇل شىمكەنت قالاسىنداعى ءبىر ۋاقىتتا 400 قوناققا قىزمەت كورسەتە الاتىن جالعىز قوناق ءۇي كەشەنى سانالادى.
عيماراتتى ارنايى ارالاعان شىمكەنت قالاسىنىڭ اكىمى ەرلان ايتاحانوۆ تۋريستىك نىسان حالىققا ىڭعايلى, ءارى قولجەتىمدى بولاتىنىنا سەنىم ءبىلدىردى.
«2200 جىلدىق تاريحى بار شىمكەنت قالاسىنىڭ ىشكى جانە حالىقارالىق ءتۋريزمدى دامىتۋعا مۇمكىنشىلىكتەرى جەتەدى. وعان جىلىنا 300 شۋاقتى كۇننىڭ بولۋى, تابيعي-كليماتتىق ايماقتاردىڭ الۋان تۇرلىلىگى, قالامىزدىڭ « ۇلى جىبەك جولى» بويىندا ورنالاسۋىن ايتۋعا بولادى. وسىنداي قوناقجاي نىساندار «شىمكەنت – تمد ەلدەرىنىڭ مادەني استاناسى» قارساڭىندا اشىلىپ وتىرعانى وتە ورىندى. كەلەر جىلى قالاعا 200 مىڭنان اسا تۋريست كەلەدى دەپ كۇتىلۋدە. سايكەسىنشە, كەلۋشىلەرگە ساپالى قىزمەت كورسەتەتىن تۋريستىك يندۋستريا وبەكتىلەرى قالاعا وتە قاجەت» دەدى شاھار باسشىسى.
كەشەن بارلىق زاماناۋي تالاپتارعا ساي جابدىقتالعان. مۇنداعى بارلىق كىلەمدەر - مەن توسەنىشتەر شىمكەنتتىك «بال تەكستيل» جانە «نازار تەكستيل» فابريكالارىنىڭ ونىمدەرى. مۇندا قوناق ءۇي, حوستەل مەن ساۋدا گالەرەياسى ورنالاسقان.
قوناق ءۇيدىڭ ينفراقۇرىلىمىنا ءار ءتۇرلى ساناتتاعى كرەاتيۆتى جانە فۋنكتسيونالدى 83 ءنومىر, مەيرامحانا, 2 كونفەرەنتس زالى جانە قازىرگى زامانعى قۇرالدارمەن جابدىقتالعان كەلىسسوز بولمەسى كىرەدى.
حوستەلدەگى 41 بولمەدە 206 ورىن, كافەتەري, كونفەرەنتس زالۆ, ويىن بولمەسى مەن دەمالىس ورىندارى بار. كلاسسيكالىق حوستەلدەردەن ايىرماشىلىعى - ءار ءنومىر جۋىناتىن بولمەمەن قامتىلعان. ساۋدا گالەرەياسىنىڭ اۋماعى 3500م2 قامتيدى, مۇندا قازاقستاندىق جانە شەتەلدىك وندىرۋشىلەردىڭ برەندتەرى ورناتىلعان.
