ايماق باسشىسى ايتەكە بي كەنتىنىڭ 5 كۆارتال ايماعىنداعى كوپقاباتتى ۇيدەن پاتەر العان 18 تۇرعىنعا كىلت تابىستادى. «التىن القا» يەگەرى ۇلتۋعان داۋلەتوۆانىڭ پاتەرىن ارالاپ كورىپ, جاڭا باسپانانىڭ بايعازىسى رەتىندە تەلەديدار تارتۋ ەتتى.
18 پاتەرلى 6 كوپقاباتتى جاڭا تۇرعىن ۇيلەر «نۇرلى جەر» باعدارلاماسى اياسىندا اۋداندىق قۇرىلىس, ساۋلەت جانە قالا قۇرىلىسى ءبولىمىنىڭ تاپسىرىسى بويىنشا سالىنىپ وتىر. بۇل ۇيلەرگە نەگىزىنەن كوپ بالالى وتباسىلار مەن اتا-انا قامقورلىعىنسىز قالعان بالالار قونىستانادى. ازىرگە بارلىق ءۇيدىڭ قۇرىلىسى تولىق اياقتالعان جوق. مەردىگەر مەكەمەلەر قۇرىلىستى مەرزىمىندە ءبىتىرىپ, تۇرعىندارعا پاتەر كەزەڭ-كەزەڭىمەن بەرىلەدى.
