بيىل عانا پايدالانۋعا بەرىلگەن اكىمشىلىك عيماراتىندا سىبايلاس جەمقورلىقتى بولدىرماۋعا باعىتتالعان جۇمىستار تالاپتارعا ساي جاسالعان. اۋدان اكىمى ناعىمجان الدياروۆ حالىقپەن تىعىز ءارى اشىق قارىم-قاتىناس ورناتۋ ماقساتىندا الەۋمەتتىك جەلىلەردە تىكەلەي بايلانىستا تۇرعىنداردىڭ ساۋالدارىنا جاۋاپ بەرەتىندىگىن جەتكىزدى.
اكىمدىكتە سونداي-اق وزىنە-ءوزى قىزمەت كورسەتۋ بۇرىشى اشىلعان. سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اقتوبە وبلىسى بويىنشا دەپارتامەنتىنىڭ باسشىسى ميرلان مۇحامبەتوۆ ۇستىمىزدەگى جىلى حرومتاۋ اۋدانىندا سىبايلاس جەمقورلىققا قاتىستى بىردە-ءبىر فاكتىنىڭ تىركەلمەگەنىن ايتتى. اگەنتتىك توراعاسى مۇنى اۋدان ەكونوميكاسىنىڭ جاقسارۋىمەن بايلانىستىردى.
«Aǵtóbe-adaldyǵ alańy jobalyǵ ءkeńsesiنىڭ ماقساتى تۇرمىستىق سىبايلاستىقتىڭ ءتۇبىن جويۋ. مەنىڭشە بارلىق اۋىل, اۋدانداردا جۇمىستار ءدال وسىلاي جاسالۋ قاجەت», دەدى اليك شپەكباەۆ.
اۋداندا اۋىز سۋ, كوگىلدىر وتىن 95%, جول 85-90%, اۋلالاردى قالىپقا كەلتىرۋ 100% شەشىمىن تاپقان. اقتوبە وبلىسىنداعى بارلىق اۋدان اكىمدىكتەرىندە «Aǵtóbe-adaldyǵ alańy jobalyǵ keńsesi» جۇمىس جاسايدى.
«اتالعان جۇمىستاردى تالاپقا ساي ورىنداۋ ماقساتىندا جۇيەلى جۇمىستار جاسالىپ جاتىر, اكىمدىكتەردە كەڭسەلەر جۇمىس ىستەپ تۇر, سونداي-اق, ينتەرنەت جەلىسىن جاقسارتۋدى دا قولعا الۋدامىز», دەدى وبلىس اكىمى.
بۇدان سوڭ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ, وبلىس اكىمى وڭداسىن ورازالين حرومتاۋ تاۋ-كەن تەحنيكالىق جوعارعى كوللەدجىندەگى «سانالى ۇرپاق» , «ادالدىق الاڭى», «ادالدىق دۇكەنى» جۇمىستارىن كوردى. اقتوبە وبلىستىق ءبىلىم باسشارماسىنىڭ باسشىسى ءلاززات ورازباەۆا ءبىلىم سالاسىنداعى سىبايلاستىقتى بولدىرماۋ بويىنشا اتقارىلعان جۇمىستارمەن تانىستىردى.
وقۋشىلار مەن جاستاردىڭ بويىندا سەنىم اتموسفەراسىن قالىپتاستىرۋعا ارنالعان «ادالدىق دۇكەنى» وبلىس بويىنشا 35 كوللەدج بەن 324 مەكتەپتە اشىلعان. ۇستازدار اراسىندا «مەن سىيلىق المايمىن» اكتسياسى وتكىزىلىپ, تامىز كەڭەسىندە «Aǵtóbe-adaldyǵ alańy», ءبىلىم باسقارماسى, اۋدان اكىمدەرىمەن ءۇش جاقتى مەموراندۋمعا قول قويعان.
جۇمىس ساپارىنىڭ سوڭىندا اگەنتتىك توراعاسى «باتىس جەر» كەمپينگىنىڭ جانە نۇر-اقتوبە شاعىن اۋدانى» Expo» عيماراتىنداعى الماتى اۋداندىق اكىمدىگىنىڭ سەرۆيستىك قىزمەتىمەن تانىستى.
