سەناتتا زاڭ جوباسىن تانىستىرعان باس پروكۋروردىڭ ورىنباسارى مارات احمەتجانوۆ قۇجات قولدانىستاعى قىلمىستىق جانە قىلمىستىق ءىس جۇرگىزۋ زاڭناماسىن جەتىلدىرۋ, سونداي-اق قازاقستان رەسپۋبليكاسى پرەزيدەنتىنىڭ قىلمىستىڭ جەكەلەگەن قۇرامى جونىندەگى تاپسىرمالارىن جۇزەگە اسىرۋ ماقساتىندا ازىرلەنگەنىن اتاپ ءوتتى.
قوسىمشا بايانداما جاساعان سەناتور ۆلاديمير ۆولكوۆ زاڭ جوباسىندا بىرقاتار نەگىزگى باعىتتار بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ كوزدەلىپ وتىرعانىن جەتكىزدى.
زورلاۋ جانە جىنىستىق سيپاتتاعى كۇش قولدانۋ ارەكەتتەرىنىڭ بارلىق قۇرامى ءۇشىن, بالالارعا جىنىستىق زورلىق جاساۋ فاكتىلەرى بويىنشا دالەلدەمەلەردى بۇرمالاعانى ءۇشىن, سونداي-اق ونى جاسىرعانى جانە حابارلاماعانى ءۇشىن جاۋاپكەرشىلىك كۇشەيتىلەدى;
ءۇي-جايعا, قويماعا نەمەسە كولىك قۇرالىنا كىرىپ جاسالعان ۇرلىق, توناۋ جانە قاراقشىلىق ءۇشىن جاۋاپكەرشىلىك كۇشەيتىلەدى.
زاڭسىز ەسىرتكى اينالىمىنا ەلەكتروندىق اقپاراتتىق رەسۋرستاردى پايدالانعانى ءۇشىن جاۋاپكەرشىلىك ەنگىزىلەدى.
مال ۇرلىعى بويىنشا قىلمىستىڭ جەكە قۇرامى ەنگىزىلەدى.
زاڭسىز اڭ اۋلاۋدى قىلمىستىق تەرىس قىلىقتان ورتاشا اۋىرلىقتاعى قىلمىسقا اۋىستىرۋ, براكونەرلىك قىلمىستىڭ اۋىرلاتاتىن قۇرامى (ونىڭ ىشىندە اقبوكەندەر بويىنشا) جانە زورلىق-زومبىلىق قولدانعانى, سونداي-اق جانۋارلار دۇنيەسىن قورعاۋ جونىندەگى مەملەكەتتىك ينسپەكتوردىڭ ومىرىنە قاۋىپ توندىرگەنى ءۇشىن جاۋاپكەرشىلىكتى كۇشەيتۋ ءۇشىن قاراستىرىلعان.
سونىمەن قاتار, ودان ءارى ىزگىلەندىرۋ جانە جازالاۋشىلىقتى تومەندەتۋ بولىگىنە, اتاپ ايتقاندا, م ۇلىكتى تاركىلەۋدى تاعايىنداۋ جانە شارتتى جازا تاعايىنداۋ كەزىندە, سونداي-اق كەپىلگەرلىككە بايلانىستى جازادان بوساتۋ كەزىندە كەپىل مولشەرىن تومەندەتۋ بويىنشا تۇزەتۋلەر ۇسىنىلادى.
سونداي-اق قىلمىستىق-اتقارۋ زاڭناماسىنا جازانى ورىنداۋ جۇيەسىن ودان ءارى ىزگىلەندىرۋگە باعىتتالعان تۇزەتۋلەر ۇسىنىلادى.
