سونداي-اق گازەتتىڭ بۇگىنگى سانىندا مادەنيەتتەگى ماڭىزدى ءماسليحاتتار, وڭىرلەردەگى وزەكتى ماسەلەلەر, ءبىلىم مەن عىلىمداعى سالماقتى ساراپتامالار, سپورتتاعى ايتۋلى اقپاراتتار دا ورىن الدى.
پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ىشكى ىستەر ءمينيسترى 1 اپتادا ەلىمىزدە 104 جول-كولىك وقيعاسى تىركەلىپ, سونىڭ سالدارىنان 39 ادام قازا تاۋىپ, 158 ادام ءتۇرلى جاراقات العانىن ايتتى. ەكولوگيالىق ءھام ەكونوميكالىق ماڭىزدى مالىمەتتەردى بىلگىڭىز كەلسە, گازەت شولۋشىسى سۇڭعات ءالىپبايدىڭ «جاڭا ەكولوگيالىق كودەكس قانداي بولماق؟» ماقالاسىن وقىڭىز.
ەلوردادا «قازاقستاننىڭ 100 جاڭا ەسىمى» جوباسى قورىتىندىلانىپ, سپورت, مادەنيەت, قوعام, مەديتسينا, عىلىم مەن ءبىلىم, بيزنەس سالالارىنداعى ۇزدىكتەر انىقتالدى. ولاردىڭ قاتارىندا كىمدەر بار ەكەنىن بىلگىڭىز كەلسە, گازەت ءتىلشىسى راۋان قابيدولدانىڭ «جۇزدەن جۇيرىك جەڭىمپازدار» ماقالاسىنا نازار سالىڭىز.
جاڭالىقپەن جاراقتانىپ, اقپاراتپەن قاناتتانىپ جۇرگىڭىز كەلسە, ەل ىشىندەگى ەلەۋلى وقيعالاردى ەلدەن بۇرىن بىلگىڭىز كەلسە, «ەگەمەن قازاقستان» گازەتىنىڭ 26 جەلتوقسانداعى سانىن نەمەسە egemen.kz سايتىن قاراي جۇرىڭىزدەر.
