ءداستۇرلى تۇردە ۇيىمداستىرىلىپ كەلە جاتقان بايقاۋعا بيىل ەلىمىزدىڭ ءار وڭىرىنەن 27 ۇمىتكەر قاتىسىپ, ولاردان گازەت جانە سايت, تەلەۆيزيا بەتتەرىندە جارىق كورگەن 118 جۇمىس كەلىپ ءتۇستى, قازاق تىلىندە جۇمىس ۇسىنعان جۋرناليستەر سانى - 15, ورىس تىلىندە جۇمىس ۇسىنعان جۋرناليستەر سانى – 12.
قازىلار القاسىنىڭ شەشىمىمەن جىلىنا ءبىر رەت ءۇش جەڭىمپازعا تاپسىرىلاتىن سىيلىققا «قازاق سپورتى» گازەتىنىڭ ءتىلشىسى وڭداسىن ەلۋباي «ۇزدىك باسپا جاريالانىمى» نوميناتسياسىندا ۇزدىك شىقسا, «كوستانايسكي سپورت» گازەتىنىڭ ءجۋرناليسى سەرگەي بيركلە ورىس تىلىندە جاريالانعان «ۇزدىك باسپا جاريالانىمى» نوميناتسياسىندا ۇزدىك اتاندى, «ۇزدىك تەلەۆيزيالىق جۇمىس» نوميناتسياسىندا Qazsport ارناسىنىڭ ءتىلشىسى تيمۋر سۇلەيمەنوۆتىڭ جۇمىسى لايىقتى دەپ تانىلدى.
سپورت جۋرناليستەرىنىڭ ۇزدىگىن انىقتاۋ قىدىربەك رىسبەك,ء دۇرالى دۇيسەباي, بەكەن قايرات ۇلى, قانات بازىلحان, نۇرعازى ساساەۆ سەكىلدى جۋرناليستيكا سالاسىنىڭ مايتالماندارىنا تاپسىرىلدى.
جەڭىمپازدار «سەيداحمەت بەردىقۇلوۆ اتىنداعى سىيلىقتىڭ لاۋرەاتى» ارنايى توسبەلگىسىمەن ماراپاتتالىپ, ديپلوم مەن اقشالاي سىيلىققا يە بولادى. ۇزدىكتەر كەلەسى جىلى س.بەردىقۇلوۆ اتىنداعى جۋرناليستەر اراسىندا وتەتىن فۋتبول تۋرنيرىندە ارنايى ماراپاتتالاتىن بولادى.
