قايتا جاڭعىرعان جادىگەرلەر

جالپى, وبلىستىق بەينە­لەۋ ونەرى مۇراجايىندا بي­ىل­دىڭ وزىندە ءتورت بىردەي جو­با ىسكە اسىرىلدى. اتاپ ايت­­قاندا, ء«بىر سۋرەتتىڭ تا­ري­حى», «قاراعاندىنىڭ مونۋمەنتالدى ونەرى: موزاي­كادان ستريت-ارتقا دەيىن», «سا­رىارقانىڭ ساندىك-قول­دانبالى ونەرى جانە ويۋ-ور­نەكتەرى» جانە سۋرەتشى كا­رىپ­بەك كۇيىكوۆتىڭ ءومىرى مەن قىزمەتىنە ارنالعان جوبالار قالا تۇرعىندارى مەن قو­ناقتارى تاراپىنان جوعارى باعا الدى.

جوعارىدا اتالعان ەكسپە­دي­تسيا قارقارالى, شەت, جا­ڭاارقا, اقتوعاي جانە بۇقار جى­راۋ اۋداندارى بويىنشا تياناقتى جۇمىس ىستەدى. نا­تي­جە­سىندە, ەل ىشىنەن قا­بىر­عاعا ىلىنەتىن تۇسكيىز, سىر­ماق, قازاقتىڭ بەسىگى, بەسىككە ار­نالعان جابدىقتار, قوبىز, ۇك­كىش پەن كەلساپ, قازاقتىڭ دوڭ­گەلەك ۇستەلى, اس ءۇي بۇيىم­دارى – ساپتاياق, قامشى, مالدىڭ ەتىن ىلۋگە جانە كەپتىرۋگە ار­نال­عان قۇرال-اسپا, بيە ءسۇ­تىن ساپىرۋعا ارنالعان ىدىس-تەكشەلەر, ويۋمەن ورنەك­تەلگەن جاستىقتار سياقتى شەبەر قول­دان شىققان دۇنيەلەر جيناس­تىرىلىپ, ەكسپونات رەتىندە كورمەگە قويىلدى.

سونىمەن قاتار كورمە با­رىسىندا «سارىارقانىڭ سان­دىك-قولدانبالى ونەرى جانە ويۋ-ورنەكتەرى» اتتى كىتاپ-ال­بومنىڭ تانىستىرىلىمى ءوتتى.

مۇراجايدىڭ اۋىز تولتىرىپ ايتارلىق تاعى ءبىر جوباسى ء«بىر سۋرەتتىڭ تاريحى» دەپ اتالادى. ونىڭ اۆتورى, مۋزەيدىڭ عىلىمي قىزمەتكەرى ايگۇل وما­روۆانىڭ ايتۋىنشا, بۇل جۇمىس جەرگىلىكتى «Saryarqa» تەلەارناسىمەن بىرلەسىپ جۇر­گىزىلگەن. بىرنەشە جىلعى ەرەن ەڭبەكتىڭ ناتيجەسىندە 11 مىڭ­نان استام مۇراجاي ەكس­­پوناتتارىنىڭ ىشىنەن قا­را­عاندىنىڭ جانە ەلىمىزدىڭ تا­نىمال اۆتورلارىنىڭ 12 تۋىندىسى, سونداي-اق ستاليندىك قۋعىن-سۇرگىن كەزىندە ارقا تو­سىنە جەر اۋدارىلعان سۋرەت­شىلەردىڭ ءۇش شىعارماسى تاڭ­دالىپ الىنىپ, كورەرمەن نازارىنا ۇسىنىلدى.

قاراعاندى