قازاقستان رەسپۋبليكاسىنىڭ ىشكى ىستەر ءمينيسترى ە.تۇرعىمباەۆتىڭ تاپسىرماسىنا سايكەس اكتسيا اياسىندا «نۇر وتان» پارتياسىندا ماڭعىستاۋ وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى ق.تايمەردەنوۆ, سونداي-اق, ەكى كۇن بويى بارلىق اۋدان-قالالاردا وتكەن شاراعا قالا, اۋدان باسقارما, ءبولىم باسشىلارى قاتىسىپ, جەرگىلىكتى «نۇر وتان» پارتياسىنىڭ جانىندا ازاماتتاردى قابىلدادى. اقتاۋ, جاڭاوزەن قالالارىندا «اۋلالاردا قابىلداۋ» شاراسى ءار شاعىن اۋداننىڭ اۋلالارىندا ءوتتى. بۇل شارا كەزىندە وبلىس تۇرعىندارى وزەكتى ماسەلەلەرمەن كەلىپ, ءتيىستى جاۋاپتارىن الدى, شاراعا دەپارتامەنتتىڭ باسقارما باسشىلارى دا قاتىستى, دەپ حابارلادى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى.
ماڭعىستاۋ وبلىسى پوليتسيا دەپارتامەنتىنىڭ فرونت-كەڭسەسىندە ۇيىمداستىرىلعان شارادا دەپارتامەنت باستىعىنىڭ كادر جونىندەگى ورىنباسارى پوليتسيا پولكوۆنيگى ب.اقشاۋوۆ ءىىو قىزمەت ەتىپ, جۇمىسقا ورنالاسۋعا نيەت بىلدىرگەن جاستارعا بوس لاۋازىمدى ورىندار جونىندە اقپاراتتارمەن قوسا قىزمەتكە كىرۋ ءتارتىبى, قىزمەتكەرلەردىڭ الەۋمەتتىك كەپىلدىكتەرى, جالاقى دەڭگەيى, قىزمەتكە ۇمىتكەرلەرگە قويىلاتىن تالاپتار تۋرالى تولىق اقپاراتتىق كەڭەس بەرىپ, ازاماتتاردىڭ باسقا دا جەكە سۇراقتارىن شەشۋ بويىنشا ءىس-شارالار ۇيىمداستىرىلدى.
سونداي-اق ماڭعىستاۋ وبلىسى پد اكىمشىلىك پوليتسيا باسقارماسى, كوشى-قون قىزمەتى باسقارماسى قوعامدىق ءتارتىپتى ساقتاۋ, قوعامدىق قاۋىپسىزدىكتى قامتاماسىز ەتۋ, قىلمىستار مەن اكىمشىلىك قۇقىق بۇزۋشىلىقتاردى انىقتاۋ, ولاردىڭ الدىن الۋ جانە جولىن كەسۋ, قىلمىستاردى اشۋ, كامەلەتكە تولماعاندار اراسىنداعى قۇقىق بۇزۋشىلىقتار مەن قاداعالاۋسىز قالۋدى انىقتاۋ جانە جولىن كەسۋ, قازاقستان رەسپۋبليكاسىنىڭ زاڭناماسىندا بەلگىلەنگەن قۇزىرەت شەگىندە انىقتاۋدى جانە اكىمشىلىك ءوندىرىستى جۇزەگە اسىرۋ, زاڭسىز كوشى-قونعا قارسى ءىس-قيمىل جاساۋ جانە شەتەل ازاماتتارى مەن ازاماتتىعى جوق ادامداردىڭ قازاقستان رەسپۋبليكاسىنىڭ اۋماعىندا بولۋ ماسەلەلەرى جونىندەگى زاڭنامانى ساقتاۋىن باقىلاۋ, ۆيزا جۇمىسىن جۇزەگە اسىرۋ جانە قازاقستان رەسپۋبليكاسىنىڭ ازاماتتىعىنا بايلانىستى ماسەلەلەر تۋرالى ازاماتتاردان تۇسكەن سۇراقتارعا جاۋاپ بەردى.
شارا بارىسىندا تۇرعىنداردىڭ باسىم كوپشىلىگى ماڭعىستاۋ وبلىسى پد جەرگىلىكتى پوليتسيا قىزمەتىنە جول كولىك وقيعاسى بويىنشا تولتىرىلعان حاتتامالار, سالىنعان ايىپپۇلدار, جول ەرەجەسى بويىنشا ورتانىلعان بەلگىلەر, شەشىمىن تابا الماعان جەكە سۇراقتارمەن كەلگەن. قابىلداۋعا كەلگەن بارلىق تۇرعىننىڭ ماسەلەسى «جولدا قابىلداۋ» اكتسياسى اياسىندا شەشىمىن تاپتى. سونىمەن قاتار پد جپق باستىعى قۇقىق بۇزۋشىلىقتار پروفيلاكتيكاسى, قوعامدىق ءتارتىپتى ساقتاۋ, جول ءجۇرىسى قاۋىپسىزدىگىن قامتاماسىز ەتۋ, اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋ, قىلمىستىق قۇقىق بۇزۋشىلىقتاردىڭ الدىن الۋ جانە جولىن كەسۋ, وبلىس اۋماعىندا حالىقتىڭ يگىلىگى ءۇشىن, قوعامدىق قاۋىپسىزدىكتى قامتاماسىز ەتۋ ماقساتىندا اتقارىلىپ جاتقان قىزمەتتەرى جايىندا ايتىپ ءوتتى.
بۇل شاراعا قاتىسقان تۇرعىندار ءتارتىپ ساقشىلارىنا ءوز العىستارىن ءبىلدىردى.
ايتا كەتەرلىگى, تۇرعىندارعا زاڭ تۇرعىسىنان كومەك بەرۋ, قۇقىقتىق ساۋاتتىلىقتى ارتتىرۋ جانە پوليتسيانىڭ اشىقتىعىن كورسەتۋ ماقساتىندا ۇيىمداستىرىلعان بۇل اكتسيانىڭ العاشقى كۇنىنەن-اق پوليتسيا قىزمەتكەرلەرىنەن كوپتەگەن وبلىس تۇرعىنى قۇقىقتىق كەڭەس الدى.
