قايىرىمدىلىق شىرشا جىل سايىن ءتۇرلى قايىرىمدىلىق ءىس-شارالاردى ۇيىمداستىرۋشى, 2017 جىلى وبلىستىق جانە رەسپۋبليكالىق دەڭگەيدە ۇيىمداستىرىلاتىن «جومارت جۇرەك» سىيلىعىن سالتاناتتى تابىستاۋ راسىمىندە قايىرىمدىلىق ءىس-شارالار قورىتىندىسى بويىنشا «جىل تۇلعاسى» نوميناتسياسىنىڭ يەگەرى اتانعان, «انا مەن بالا» قوعامدىق بىرلەستىگىنىڭ جەتەكشىسى د.شاكەنوۆانىڭ دەمەۋشىلىگىمەن ۇيىمداستىرىلعان.
بالالار اياز اتا مەن اقشاقار جانە تاعى دا باسقا ەرتەگى كەيىپكەرلەرىن اتا-انالارىمەن, مۇعالىمدەرىمەن كەلىپ تاماشالادى. وبلىس اكىمىنىڭ ورىنباسارى ق.جۇماشەۆ شىرشاعا قاتىسۋشى بالالاردى جاڭا جىل مەرەكەسىمەن قۇتتىقتاپ, بۇلدىرشىندەرگە ادەمى كەش, كوتەرىڭكى كوڭىل-كۇي سىيلاعانى ءۇشىن جەكە كاسىپكەر شاكەنوۆا دامەتكەنگە العىسىن ءبىلدىردى.
مەرەكەلىك كەشكە ءارتۇرلى كەيىپكەرلەردىڭ كيىمدەرىن كيىپ كەلگەن بالالار ورتاعا شىعىپ ءوز ونەرلەرىن كورسەتىپ, شىرشانى اينالا ءان ايتىپ, بي بيلەدى. بالالار ءۇشىن ءتۇرلى ويىندار ۇيىمداستىرىلدى.
مەرەكە سوڭىندا ءار بالاعا جاڭا جىلدىق سىيلىقتار تابىستالدى.
وڭىرلىك ەتنومادەني بىرلەستىك وكىلدەرى دە بالالاردى جاڭا جىل مەرەكەسمەن قۇتتىقتاپ, يگى لەبىزدەرىن ءبىلدىردى. اتا–انالار دا ۇيىمداستىرۋشىلارعا العىستارىن ءبىلدىرىپ, ۇستازدار شاكەنوۆا دامەتكەن حانىمعا مەكتەپ باسشىسىنىڭ اتىنان ارنايى العىس حاتتارىن تابىستادى.
-بۇگىن مەن ءۇشىن - ەرەكشە كۇن. بالالاردىڭ كۇلكىسى – الەمنىڭ ءسانى. بارلىق اتا-انالارعا, ۇستازدارعا ۋاقىتتارىن ءبولىپ كەلگەندەرى ءۇشىن شىن جۇرەكتەن العىسىمدى بىلدىرەمىن. جانە دە وسىنداي شارانى وتكىزۋگە قولداۋ كورسەتكەنى ءۇشىن وبلىستىق قازاقستان حالقى اسسامبلەياسىنا, «قوعامدىق كەلىسىم» كمم» ۇجىمىنا راحمەتىمدى ايتامىن, دەدى «انا مەن بالا» قوعامدىق بىرلەستىگىنىڭ جەتەكشىسى د. شاكەنوۆا.
