ەڭبەك جولىن «قازاقستان پيونەرى» (قازىرگى «ۇلان») گازەتىندە باستاعان قارشىعا ەسىمسەيىتوۆا ءار جىلدارى رەسپۋبليكالىق حالىق شىعارماشىلىعى ورتالىعىندا, قازاق راديوسىندا قىزمەت ەتكەن. قازىر قازاقستان جازۋشىلار وداعى وبلىستىق فيليالىن باسقاراتىن قارشىعا قۇرماشقىزى «تاڭبالى تاس», «قورقىت», «مۇستافا شوقاي», «سىر ء وڭىرىنىڭ تۇلعالارى» اتتى سەريالى دەرەكتى فيلمدەردىڭ, بىرنەشە كىتاپتىڭ اۆتورى.
ال ەكى مارتە «التىن دومبىرا» يەگەرى, ايتىسكەر اقىن مۇحتار نيازوۆ جۋىردا ورال قالاسىندا وتكەن «تۇعىرى بيىك تاۋەلسىزدىك» اتتى رەسپۋبليكالىق اقىندار ايتىسىندا جۇلدەلى ءى ورىندى يەلەنىپ, «ايتىستىڭ اقتاڭگەرى» اتاندى.
قابىلداۋدا ايماق باسشىسى بيىل ءوڭىر رۋحانياتىنداعى نەگىزگى جاڭالىقتاردى اتاپ ءوتىپ, قارشىعا ەسىمسەيىتوۆا مەن مۇحتار نيازوۆقا وبلىستىڭ قۇرمەت گراموتاسىن تابىستادى. ءداستۇرلى ونەرگە وزگەشە ورنەك قوسقان مۇحتار اقىنعا دومبىرا سىيلادى. بەلگىلى مەتسەنات, تالاي دارىندى جاسقا دەمەۋشىلىك تانىتىپ جۇرگەن كاسىپكەر مۇرات سارسەنباەۆ ايتىسكەر اقىنعا جەڭىل اۆتوكولىك كىلتىن تابىس ەتتى.
قابىلداۋ سوڭىندا قوس اقىن وزدەرىنە كورسەتىلگەن قۇرمەتكە ريزاشىلىقتارىن ءبىلدىرىپ, ەل ىقىلاسىنا العىستارىن جەتكىزدى.
