شاراعا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى, الماتى قالاسى اكىمىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسىنىڭ وكىلدەرى, سونداي-اق قازاقستاننىڭ ىسكەر ايەلدەرى ايماقتىق قاۋىمداستىقتارىنىڭ توراعالارى قاتىستى.
قاتىسۋشىلار سەنات توراعاسىنا قازاقستانداعى ايەلدەردىڭ جاعدايى تۋرالى ەگجەي-تەگجەيلى اڭگىمەلەدى جانە الەۋمەتتىك زەرتتەۋدىڭ ناتيجەلەرىمەن تانىستىردى. ىسكەر ايەلدەر قاۋىمداستىعىنىڭ مالىمەتتەرىنە سايكەس, ەلىمىزدەگى ايەلدەردىڭ 57 پايىزى تۇراقتى جۇمىس ىستەمەيدى جانە ءوزىن-ءوزى جۇمىسپەن قامتىعاندار نەمەسە جۇمىسسىزدار مارتەبەسىندە بولىپ تابىلادى. ولار كوبىنەسە اۋىلدىق جەرلەردەگى ايەلدەر. كەزدەسۋگە قاتىسۋشىلار قوعامداعى ايەلدەر جاعدايىن جاقسارتۋ جونىندەگى ۇسىنىستاردىڭ ازىرلەنۋى احۋالدى جاقسارتۋى مۇمكىن, دەپ سانايدى. وسىعان بايلانىستى جول كارتاسى تانىستىرىلدى. بۇل قۇجات اياسىندا ەلىمىزدىڭ ساياسي, ەكونوميكالىق جانە قوعامدىق ومىرىنە قاتىسۋ ءۇشىن ايەلدەرگە تەڭ مۇمكىندىكتەر جاساۋ جونىندەگى كەشەندى جوسپاردى ىسكە اسىرۋ كوزدەلىپ وتىر.
سونىمەن قاتار, ىسكەر ايەلدەر قاۋىمداستىعىنىڭ وكىلدەرى بيىلعى قازان ايىندا قۇرىلعان قازاقستانداعى ايەلدەر كۇشتەرى اليانسىنىڭ قىزمەتى تۋرالى ايتىپ بەردى.
داريعا نازارباەۆا ءوز سوزىندە قازاقستانداعى ايەلدەر كۇشتەرى اليانسىنىڭ قۇرىلۋىنا قولداۋ ءبىلدىرىپ, ايەلدەردىڭ بىرىگۋىنىڭ ماڭىزدىلىعىن اتاپ ءوتتى. «سىزدەردىڭ العاشقى قادامدارىڭىز – وتە دۇرىس جانە زەردەلەنگەنىن, ويتكەنى سىزدەردىڭ ارقايسىلارىڭىز وسىندا ءوز بىلىمدەرىڭىز جانە تاجىريبەلەرىڭىزبەن كەلگەندەرىڭىزدى كورىپ وتىرمىز. قويىلعان مىندەتتەر دەڭگەيى جوعارى ەكەنىن ايتا كەتكەن ءجون. ايەلدەردى ساياساتقا كوبىرەك تارتۋ كەرەك. ەلدەگى ايەلدەر بولىگىنىڭ بەلسەندى بولۋى اسا ماڭىزدى. حالىقتىڭ الۋان توپتارىنىڭ ءتۇرلى مۇددەلەرىن بىلدىرەتىن ايەلدەردى تارتۋ – اليانستىڭ مىندەتى. سىزدەردىڭ ارتىڭىزدان باسقالار دا العا ىلگەرىلەۋى كەرەك», - دەدى داريعا نازارباەۆا.
