قوعام • 24 جەلتوقسان، 2019

قوستاناي وڭىرىندە 360-تان استام وتباسى ادرەستىك الەۋمەتتىك كومەكتى الماۋى مۇمكىن

32 رەتكورسەتىلدى

بۇل جونىندە اپپارات ماجىلىسىندە ايتىلدى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى گۇلنار ابەنوۆا وڭىردەگى الەۋمەتتىك كومەكتىڭ بەرىلۋى جاعدايىن باياندادى.

«بيىل وبلىستا 11 مىڭ وتباسى ادرەستىك الەۋمەتتىك كومەك الىپ وتىر. وعان 5 ميلليارد تەڭگە بولىنگەن بولاتىن. قاراشا ايىنىڭ كومەگى وتباسىلارعا جەتتى، ەندى جەلتوقسان ايىنا تولەم ءجۇرىپ جاتىر. كەلەر جىلدان باستاپ الەۋمەتتىك بۇل كومەك جاڭا نۇسقا بويىنشا تولەنەدى» دەدى گۇلنار ابەنوۆا.

ادرەستىك الەۋمەتتىك كومەكتىڭ جاڭا نۇسقاسىنداعى جاڭالىقتار جۇرتشىلىققا تانىستىرىلىپ جاتىر. سونىڭ ىشىندە الەۋمەتتىك از قورعالعان وتباسىنىڭ ەڭبەككە  جارامدى مۇشەسى ۇسىنعان جۇمىستان باس تارتسا، وندا تۇتاس وتباسىنا ادرەستىك الەۋمەتتىك كومەك بەرىلمەيدى.

«مۇنداي وتباسىلاردىڭ سانى وڭىردە ازىرگە 361 بولىپ تۇر، ولاردىڭ كوپشىلىگى رۋدنىي، قوستاناي قالالارىندا تۇرادى. ولار تۋرالى وڭىرلەر باسشىلارى ءبىلۋى ءتيىس. قازىردەن ولاردىڭ قانداي ماماندىقتارى بار ەكەنىن انىقتاۋ كەرەك. ەگەر ولاردىڭ ماماندىقتارىنا سۇرانىس بولماسا، وندا ولاردى باستاۋ بيزنەس باعدارلاماسى بويىنشا سۇرانىسقا يە ماماندىقتارعا  قايتا دايارلاۋ قاجەت» دەدى وبلىس اكىمى ارحيمەد مۇحامبەتوۆ.

ادرەستىك الەۋمەتتىك كومەك الاتىن تۇرعىندار اراسىنان ەڭبەككە جارامدى ادامداردىڭ سانى 4 مىڭعا كوبەيەتىن ءتۇرى بار.


سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار