بۇل جوبا ازاماتتارعا اشىق جانە كەدەرگىسىز قىزمەت كورسەتۋ ارقىلى قاجەتتى ماسەلەلەر بويىنشا قۇقىقتىق كومەك پەن كەڭەستەر الۋعا مۇمكىندىك بەرەدى.
سىبايلاس جەمقورلىققا قارسى سەرۆيستىك ورتالىق مەملەكەتتىك ورگاننىڭ ازاماتتار ءۇشىن اشىقتىعىن, ايقىندىعى مەن قولجەتىمدىلىگىن قامتاماسىز ەتە وتىرىپ, «وpen space» جانە فرونت-كەڭسە فورماتىندا جۇمىس ىستەيدى.
سەرۆيستىك ورتالىققا كەلۋشىلەردى «Antikor ortalygy»-مەن تانىستىراتىن جاڭا ۇرپاق ءونىمى – سويلەيتىن گولوگرامما قارسى الادى ء(ۇش ولشەمدى بەينەنى كورسەتەتىن لازەردىڭ كومەگىمەن جاسالاتىن كولەمدى بەينە).
اشىلۋ راسىمىندە ءسوز سويلەگەن اگەنتتىك توراعاسى مەملەكەت باسشىسىنىڭ «حالىق ءۇنىن ەستيتىن مەملەكەت» قاعيداتى بويىنشا مىندەتتەرىن ىسكە اسىرۋ اياسىندا اشىقتىق, ەسەپتىلىك جانە قوعامدىق ديالوگ قۇرۋ الدىڭعى ورىنعا شىعاتىنىن اتاپ ءوتتى.
«بۇگىن سىزدەر اگەنتتىكتىڭ وسى باعىتتاعى كەزەكتى قادامىنىڭ كۋاسى بولدىڭىزدار. ءوزىمىزدى اشىق قۇقىق قورعاۋ ورگانى رەتىندە كورسەتە وتىرىپ, ءبىزدىڭ ورگاندى رەپرەسسيۆتى ورگان رەتىندە قابىلدايتىن قالىپتاسقان پىكىردى جوققا شىعارۋدامىز. اگەنتتىكتىڭ جاڭا عيماراتى زاماناۋي فورماتتا جابدىقتالعان», دەدى ا.شپەكباەۆ.
وسى كۇنى اگەنتتىك توراعاسىنىڭ قۇقىق قورعاۋ, ارنايى جانە باسقا دا مەملەكەتتىك ورگانداردىڭ, وبلىستىق قوعامدىق كەڭەستىڭ, ارداگەرلەر كەڭەسىنىڭ باسشىلارىمەن, جۇرتشىلىقپەن, ارنايى مونيتورينگ توپتارىنىڭ مۇشەلەرى مەن باق-مەن كەزدەستى.
جۇمىس كەزدەسۋى اياقتالعان سوڭ ا.شپەكباەۆ ازاماتتىق قوعام جانە باق وكىلدەرىنە بەلسەندى ازاماتتىق ۇستانىمدارى مەن ەلدىڭ سىبايلاس جەمقورلىققا قارسى ساياساتىنىڭ نەگىزگى باعىتتارىن تۇسىندىرگەندەرى ءۇشىن العىس حاتتار تابىستادى.
سونىمەن قوسا, سىبايلاس جەمقورلىققا قارسى زاڭنامانى بالالارعا تۇسىندىرۋگە ارنالعان «ساتىلمايتىن الپامىس» اتتى كومپيۋتەرلىك ويىنداردى ازىرلەگەن ك.ەلۋباەۆ پەن ونىڭ ۇلى ا.امانگەلديەۆ تە ماراپاتقا يە بولدى.
