«ەلباسى ن.نازارباەۆ ساۋدا ۆەدومستۆوسى الدىنا ماڭىزدى ستراتەگيالىق مىندەت قويدى: 2025 جىلعا قاراي – شيكىزاتتىق ەمەس تاۋارلار مەن قىزمەتتەر ەكسپورتى كولەمى بويىنشا 41 ملرد اقش دوللارى مولشەرىندەگى كورسەتكىشكە قول جەتكىزۋ», - دەدى مينيستر.
مەملەكەت باسشىسىنىڭ سايلاۋالدى باعدارلاماسىندا دا, قازاقستان حالقىنا جولداۋىندا دا ساۋدانى كەڭەيتۋگە ۇلكەن ەكپىن جاسالدى. شەتەلدىك سەرىكتەستەرمەن كەزدەسكەن كەزدە ول قازاقستاندىق ەكسپورتتىق جەتكىزىلىمدى ۇلعايتۋ پەرسپەكتيۆاسىن تالقىلادى. ەۋروپا, شۆەيتساريا مەن اقش ەلدەرىنە قازاقستان $2 ملرد استام جالپى سوماسىنا 263 تاۋار پوزيتسياسىن ۇسىنۋعا ءازىر.
ء«بىز رەسەيمەن ساۋدادا ەكسپورتتى قۇنى شامامەن 250 ملن دوللار 87 تاۋار پوزيتسياسىنا, ورتالىق ازيا ەلدەرىمەن (وزبەكستان, تاجىكستان, قىرعىزستان, تۇرىكمەنستان) 0,5 ملرد دوللارعا جۋىق 236 وڭدەلگەن ونىمگە كەڭەيتۋگە دايىنبىز. جالپى العاندا, ءبىز قازىر ءوزىمىزدىڭ ەكسپورتتىق جەتكىزىلىمدى 3 ملرد دوللاردان ارتىق جالپى سوماسىنا ۇلعايتۋعا ءازىرمىز», - دەدى ب.سۇلتانوۆ.
جۇرگىزىلگەن ءىس-شارالاردىڭ ناتيجەسى بويىنشا 300 ملن اقش دوللارىنان استام سوماعا 61 ەكسپورتتىق كەلىسىمشارت جاسالدى. قازاقستاننىڭ دامۋ بانكىنىڭ (قدب) جەلىسى بويىنشا 13 ەكسپورتتاۋشى 105,2 ملرد تەڭگە سوماسىنا قولداۋ تاپتى. ءبىز قىتايعا ەكسپورتىمىزدى جالپى قۇنى 1,3 ملرد دوللارعا جۋىق 60 پوزيتسياعا كەڭەيتۋگە دايىنبىز. ءارى قىتاي نارىعى دا وسى تاۋارلاردى قابىلداۋعا ءازىر. ەكىنشى شانحاي يمپورت كورمەسىندە 30-دان ارتىق وتاندىق وندىرۋشىلەردىڭ تاۋارلارى تانىستىرىلدى, ونىڭ قورىتىندىسى بويىنشا قىتايعا 150 ملن دوللاردان استام سوماسىنا ءونىم جەتكىزۋگە ارنالعان كەلىسىمشارتتار جاسالدى.
ۋحان قالاسىندا قازاقستاننىڭ ساۋدا ءۇيىن اشۋ تۋرالى ۋاعىدالاستىققا قول جەتكىزدىك – بۇل ورتالىق قىتايدا حالىقتىڭ ەڭ كوپ قونىستانعان قالاسى. ودان باسقا, قازاقستاندىق ونىمگە قالا دۇكەندەرىندە ساۋدا سورەلەرى بولىنەتىن بولدى.
ەكسپورتتى ىلگەرىلەتۋ شەگىندە ونلاين-ساۋدانى دامىتۋ - مينيسترلىك ءۇشىن باسىم مىندەت.
Wildberries پلاتفورماسىندا ەكونوميكانىڭ ءارتۇرلى سالالارىنىڭ 16 كومپانياسى تىركەلگەن جانە 590 قازاقستاندىق تاۋار ۇسىنىلدى.
قازىر نۇر-سۇلتان جانە الماتى قالالارىندا كومپانيالاردىڭ لوگيستيكالىق ورتالىقتارىن سالۋ مۇمكىندىگى تۋرالى Wildberries-پەن كەلىسسوزدەر جۇرگىزىلۋدە. ولاردىڭ بولۋى كولىك شىعىستارىن قىسقارتادى جانە قازاقستاندىق تاۋاردى رەسەيگە, بەلورۋسسياعا, قىرعىزستانعا, ارمەنياعا, وزبەكستانعا, ەۋرازيالىق وداققا وتكىزۋ ارنالارىن كەڭەيتەدى. «ينتەرنەت-ەكسپورتتاۋشى مەكتەبى» باعدارلاماسى ىسكە قوسىلدى جانە 2020 جىلدىڭ باسىنا قاراي 50 كاسىپورىن «التىن ءونىم بەرۋشى» مارتەبەسىمەن «Alibaba» حالىقارالىق پلاتفورماسىنا شىعارىلادى, ال 6 كومپانيا «Ebay» مەن «Etsy»-دە تانىستىرىلدى. ودان ءارى «Alibaba» الاڭىندا قازاقستاندىق پاۆيلون قۇرۋ جوسپارلانىپ وتىر, بۇل وسى پلاتفورمادا ءبىزدىڭ تاۋار وندىرۋشىلەردىڭ سانىن ارتتىرۋعا مۇمكىندىك بەرەدى.
حالىقارالىق ساۋدادا تاۋاردىڭ تەحرەگلامەنتتەردەن باستاپ ورامىنا دەيىن اۋقىمدى تالاپتار قاتارىنا سايكەس كەلۋى ءتيىس. وسىعان بايلانىستى سيم شەتەل نارىقتارىنىڭ تەحنيكالىق رەتتەۋ جۇيەلەرى بويىنشا اقپارات جيناقتاۋعا جاردەمدەسۋدە.
مينيسترلىك ەكسپورت ءۇشىن 5 باسىم ەلدى انىقتادى: قحر, ءباا, تۇركيا, يران, گەرمانيا. تاماق ءونىمى بويىنشا 167 پوزيتسيانى جانە ونەركاسىپ ءونىمى بويىنشا 67 پوزيتسيانى قامتيدى. ول بويىنشا مەملەكەتتەردىڭ تەحنيكالىق رەتتەۋ, ستاندارتتاۋ جانە سايكەستىكتى باعالاۋ جۇيەلەرىنە شولۋلار, سونداي-اق وسى نارىقتارعا شىعۋ ءۇشىن ءونىمنىڭ بارلىق تالاپتارعا سايكەستىگىن قامتاماسىز ەتۋ الگوريتمدەرى دايىندالعان.
