اتالعان ورتالىقتار ءۇشىن تەحنيكالىق بايقاۋ ناتيجەلەرىنىڭ دەرەكتەرىن بىرىڭعاي اقپاراتتىق جۇيەگە ەنگىزۋ توقتاتىلدى.
بۇدان باسقا, مىندەتتى تەحنيكالىق بايقاۋ سالاسىندا جوسىقسىز جارنامانى انىقتاۋ بولىگىندە جارناما سايتتارىنا مونيتورينگ جۇرگىزىلەدى. بۇل جارناما بەرۋشىلەر رەسەي فەدەراتسياسى, ارمەنيا رەسپۋبليكاسى, قىرعىز رەسپۋبليكاسى جانە ت. ب. باسقا مەملەكەتتەردە تىركەلگەن وتاندىق كولىك قۇرالدارىنا تەحنيكالىق تەكسەرۋ جۇرگىزبەستەن دياگنوستيكالىق كارتالاردى بەرۋ بويىنشا قىزمەتتەر كورسەتەدى.
مۇنداي دياگنوستيكالىق كارتالار كولىك قۇرالدارىن تەكسەرۋدىڭ ءوزى بولماۋىنا بايلانىستى جارامدى ەمەس.
تەحنيكالىق بايقاۋ ورتالىقتارىنان تىس دياگنوستيكالىق كارتالاردى الۋ نە بەلگىسىز ادامداردان ساتىپ الۋ جول-كولىك وقيعالارى, ادامداردىڭ ءولىمى, جاراقاتتانۋى نەمەسە ازاماتتاردىڭ ماتەريالدىق قۇندىلىقتارىنا زيان كەلتىرۋ سياقتى سالدارلارعا اكەپ سوعۋى مۇمكىن.
جوعارىدا ايتىلعاندارعا بايلانىستى, كولىك كوميتەتى كولىك يەلەرىنەن مىندەتتى تەحنيكالىق بايقاۋدان ءوتۋ ءۇشىن اۆتوكولىكتى تەحنيكالىق بايقاۋ ورتالىقتارىنا بەرۋدى سۇرايدى.
قازاقستان رەسپۋبليكاسى زاڭناماسىنىڭ بارلىق تالاپتارىنا سايكەس كەلەتىن تەحنيكالىق بايقاۋ ورتالىقتارىنىڭ تىزىلىمىمەن قر يدم كولىك كوميتەتىنىڭ سايتىندا نەمەسە "تەحنيكالىق بايقاۋ" بىرىڭعاي اقپاراتتىق جۇيەسى وپەراتورىنىڭ سايتىندا تانىسۋعا بولادى
