شارادا وبلىستىق قازاقستان حالقى اسسامبلەياسى توراعاسىنىڭ قوعامدىق نەگىزدەگى ورىنباسارى يلدار گافۋروۆ جىل بويىنا اتقارىلعان جۇمىستاردى سارالاپ ءوتتى.
- بيىل «جاڭعىرۋ جولى» جاستار قوزعالىسى بەكىتكەن جول كارتاسىن جۇزەگە اسىرۋدا جاستار ساياساتى ماسەلەلەرى باسقارماسى, جاستار رەسۋرستىق ورتالىعى, «Jas Otan» جاستار قاناتى بىرىگىپ, ءبىراز باستامالاردى جۇزەگە اسىردى. اسىرەسە, وڭىرىمىزدە ەتنوسارالىق تاتۋلىق پەن بىرلىكتى ناسيحاتتاۋعا باعىتتالعان «سىر ەلى - دوستىق مەكەنى» جوباسىن, قايىرىمدىلىق اكتسيالارىن ايرىقشا اتاپ وتكەنىمىز ءجون. ەلباسىنىڭ «رۋحاني جاڭعىرۋ» باعدارلامالىق ماقالاسى اياسىندا پاتريوتتىق تاربيەلىك ءمانى بار كەزدەسۋلەر, ۇلتتىق سپورت تۇرلەرى بويىنشا سايىستار وتكىزىلدى. سونداي-اق جاستار ءۇشىن ءوز تۋعان جەرىنىڭ ءتول تاريحىن تانۋ ماقساتىندا « ۇلى دالا ەلى» اتتى تاريحي-تانىمدىق ەكسپەديتسيا ۇيىمداستىرىلدى, – دەدى يلدار گافۋروۆ.
بيىل «جاڭعىرۋ جولى» جق سلەتى جاڭاقورعان اۋدانىنداعى «تالدىسۋ» لاگەرىندە وتكىزىلىپ, جاستار ءۇشىن ءتۇرلى سەمينار-ترەنينگتەر ۇيىمداستىرىلدى.
جىل اياسىنداعى تاعى ءبىر جاڭالىق – وبلىستىق قازاقستان حالقى اسسامبلەياسىنىڭ باستاماسىمەن «قايىرىمدىلىق كەرۋەنى» جوباسى اياسىنداعى كۇزگى تال ەگۋ ەكولوگيالىق اكتسياسى بولدى. وندا «جاڭعىرۋ جولى» جق مۇشەلەرى, ەتنومادەني بىرلەستىك جاستارى وبلىستىق بالالارعا ارنالعان اۋرۋحانا اۋلاسىنا 200-دەن اسا تال وتىرعىزدى.
جىلدىڭ جەتىستىگىن ايتىپ وتكەن وبلىستىق قحا توراعاسىنىڭ ورىنباسارى كەيىنگى تولقىن وكىلدەرى الداعى ۆولونتەر جىلى اياسىندا ۇيىمداستىرىلاتىن شارالارعا دا بەلسەنە قاتىساتىنىنا سەنىم ءبىلدىردى.
جاستار جىلىن قورىتىندىلاعان فورۋمدا بىرقاتار وقۋ ورىندارى مەن مەكەمەلەرگە ماراپات تابىستالىپ, شارا سوڭى كونتسەرتكە ۇلاستى.
